YESAYA 29:8 - KITTA' MATANGKASA'

⁸ Sikamma bansa niaka a'rappungang untu' ambunduki Yerusalem lasanrapangi tau cipuruka asso'na angnganre, nampa ambangung natena bonena battanna; yareka rapangi ke'nanga tau turere asso'na angnginung, nampa ambangung nakalotoro' kacikoro'na.

YESAYA 29:8 Referans Kwoze

YESAYA 44:12

Tukang bassia angngallei sipolong bassi nampa napare' lalang pepe' siagang nade'de' siagang palu-palu bassi. Napareki siagang sikamma kitta' magassinna. Lalang anjamana, a'jari cipuruki, turerei siagang mangngangi.

PAMMUJI 73:20

Sanrapang so'na lanynyaka ri wattu bari'basa'; ri wattu ambangunTa, o, Batara, lanynya' memammi ke'nanga.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

PAMMUJI 129:5

Boli'mi sikamma tau birisika ri Sion nibetai siagang ditunrungi ammunduru'.

YESAYA 41:11

Ciniki, sikontu tau larroa mae ri kau, lanibetai nammakkala' kacci. Tau angngewayako, lapanraki nala'busu' nibarrasa'.

YESAYA 41:12

Lanuboyai tau eroka ambaliangko, mingka tanugappayai ke'nanga. Tau a'bunduka siagang ikau kamma-kamma anne panra'mi siagang tenami.

NAHUM 2:1

He Niniwe, pilangngeri! Nia'mi battu eroka ampanrakiko! Jagai tembo'-tembo' pattahangnganga! Jannangngi aganga! Sadiako untu' a'bundu'. (