YESAYA 29:7 - KITTA' MATANGKASA'

⁷ Nampa sikontu pasukang bansa maraeng battua ambunduki Yerusalem, kota tampa' pakkoro'bangnganga mae ri Allata'ala, yangasenna tau niaka antammulili siagang ambunduki anjo kotaya, lalanynya' ngasengi rapang so'na ri wattu bangngina.

YESAYA 29:7 Referans Kwoze

AYUB 20:8

Lalanynyaki sanrapang bayang-bayanna so'naya, lanynya' sanrapang paccini' ri wattu bangngia.

ZAKHARIA 12:9

Anjo alloa laKuancuruki sikamma bansa eroka ampaccoba-cobai ambunduki Yerusalem.

YESAYA 17:14

Ri wattu karuenna appakamalla' lompoi ke'nanga, mingka ri bari'basa'na tenami ke'nanga. Iaminjo rapanna sarenna sikamma tau arrampasakai apa-apanta.

PAMMUJI 73:20

Sanrapang so'na lanynyaka ri wattu bari'basa'; ri wattu ambangunTa, o, Batara, lanynya' memammi ke'nanga.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YESAYA 40:17

Sikontu bansaya tena anggaranna mae ri Ia, rapang tena apa-apa ri dallekanNa.

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

NAHUM 2:1

He Niniwe, pilangngeri! Nia'mi battu eroka ampanrakiko! Jagai tembo'-tembo' pattahangnganga! Jannangngi aganga! Sadiako untu' a'bundu'. (