YESAYA 29:6 - KITTA' MATANGKASA'

⁶ LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

YESAYA 29:6 Referans Kwoze

MARKUS 13:8

Se'rea bansa la'bunduki siagang bansa maraenga. Se'rea pa'rasangang lanabunduki pa'rasangang maraenga. Kemae-kemae lata'ge'gosoki buttaya siagang lanaallei taua kacipurang. Na yangasenna anjo nampami pammatei pakkaramulanna kasusaanga siagang sessaya sanrapang pa'risi' nakasiaka tu baine eroka ammana'.

PAPPICINI' 16:18

Nampa assisambung-sambummo kilaka siagang a'gamarrummi na'galutturu' gunturuka, kammayatompa ta'ge'goso' sanna'mi buttaya. Tenale'bakai ta'ge'goso' kamma anjo buttaya baku' nipa'nia'na rupataua. Iaminne kaminang sannaka ta'ge'goso'na buttaya!

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.

MATIUS 24:7

Bansa se'rea la'bunduki siagang bansa maraenga, siagang se'rea pa'rasangang lanabakkai pa'rasangang maraenga. Ri kere-keremae lakajariangi bala kacipuranga siagang lata'ge'gosoki linoa.

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”

PAPPICINI' 11:13

Na anjo wattua ta'ge'goso' sanna'mi buttaya. Ancuru'mi bage sampulona anjo kotaya, siagang nia'mo tuju sa'bu jaina tau mate napakamma anjo ta'ge'goso'na buttaya. A'jari malla' sikali ngasemmi tau maraenganga, nampa mammuji ke'nanga mae ri kalompoanNa Allata'ala ri suruga.

LUKAS 21:11

Lata'ge'gosoki buttaya ri kere-keremae. Lanaallei cipuru' siagang lanatabai garring sikamma rupataua. Nia' lakajariang apa-apa sannaka appakamalla'na rate ri langika.

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

YESAYA 28:2

Nia' se're tau kassa' siagang barani laNasuro battu Batara. Kabattuanna nirurungangi ri bosi es siagang anging kancang, rapang bosi lompo siagang a'ba ammanyukkanga. Nakaterassangi na napatappasa' ke'nanga naung ri buttaya.

2 SAMUEL 22:14

Nampa a'gamarrung Batara battu ri allaka, Kaminang Tinggia ampappilangngerangi sa'ranNa.

PAMMUJI 55:8

Iye', lanri'baka' bella sikali, na kuammantang ri parang luaraka.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 26:14

Matemi ke'nanga siagang tenamo nalattallasa' poleang, talambangungami ammotere' rohna. Saba' cappu'mi ke'nanga le'ba' Kiancuru' siagang Kipela' ri pangngu'ranginTa.

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

NAHUM 1:3

Memang, Batara tena nalinta' larro; mingka sanna' todong makoasaNa sa'genna inai-nai anggaukangi salaya tena nalaNapata'lappasa' battu ri hukkunganga. Kemae-kemae Batara a'jappa, anjorengi ammumba anging lompoa; kemae angngonjo' bangkenNa, anjorengi limbu'buka a'jari rammang.

ZAKHARIA 14:5

Lalariko allalo ri anjo lappara' ka'bung ambage ruayai anjo buluka. Lalariko sangkamma boe-boenu ri wattunna ta'ge'goso' buttaya ri wattu ammarentana Uzia, iamintu karaenna Yehuda. Nampa battu Karaeng Allata'alaku, nirurungang ri sikontu malaekaka.

YESAYA 31:9

Lalari karaenna ke'nanga napakamma malla', nampa sikamma perwirana sanna' ta'bangkana, sa'genna nabokoi ke'nanga sikamma bandera pa'bundukanna.” Batara le'ba' akkana, Batara nisombaya siagang nipakalompoa, nisarea koro'bang nitunu ri Yerusalem.

YEHEZKIEL 38:22

LaKuhukkungi siagang garring kammayatompa cera' assolong. Bosi lompo, bosi es, pepe' siagang batu a'bara laKutumpa mae ri ia siagang tantarana kammayatompa mae ri sikamma tantara naaganga sita'gala'.