YESAYA 29:3 - KITTA' MATANGKASA'

³ LaNabunduki Allata'ala anjo kotaya siagang laNatammulili battu ri kabusu'na kabattuanga.

YESAYA 29:3 Referans Kwoze

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.

2 KARAENG-KARAENG 19:32

Iaminne Napaua Batara ri passala'na karaeng Asyur: ‘Tena nalanapantamakki Yerusalem yareka tena nalanapabuccu' panana mange anjoreng ri kotaya. Tena tantara angngeranga sanjata la'reppese' mae ri anjo kotaya, siagang tena nalanibangung tembo' pakkurung ri tammulilina.

2 KARAENG-KARAENG 18:17

Mingka anjo karaeng Asyur akkiringi battu ri Lakhis pasukang lompo untu' ambunduki Yerusalem. Anjo pasukanga nipimpingi ri tallu perwira tinggia pangka'na, iamintu sitau panglima, sitau paurusu' inungang, siagang sitau kapala pangawala'na karaenga. Ri wattunna battu ke'nanga mange anjoreng ri kotaya, angngallemi ke'nanga tampa' ri kokoa, iamintu niarenga Koko Penatu ri ampi'na solongang a'lo'loroka battu ri balang bageang iratea.

PAOLE 20:20

Poko'-poko' maraenganga akkullei nuta'bang untu' nupare' kalli' pakkulilingang sa'genna nubeta anjo kotaya.”

YESAYA 1:8

Yerusalem mami ammantang, mingka anjo kotaya nikulilingimi ri musu, tenamo kullena; rapang mami balla' koko ca'di ri koko anggoroka, yareka balla' kepo-kepo ri koko bonteka.