YESAYA 29:2 - KITTA' MATANGKASA'

² Mingka laNapabattui Allata'ala balaya irate ri anjo kotaya, sa'genna ammarrang siagang akkunrareng taua. Kabusu'na kotaya lasangkammai tampa' pakkoro'bangngang attalaka cera'.

YESAYA 29:2 Referans Kwoze

YEHEZKIEL 39:17

Nakana Batara Kaminang Tinggia ri nakke, “He tau, kioki sikontu jangang-janganga siagang olo'-olo' maraengannaya, sollanna nia' battu ri kere-keremae untu' angkanrei koro'bang Kupasadiakangi ke'nanga. LapparekKa' passua'-suarrang lompo ri daera moncong-monconna Israel; anjorengi ke'nanga akkulle angnganre dageng siagang angnginung cera'.

YEHEZKIEL 22:31

Lanri kammana anjo kamma-kamma anne Kupabattumi pangngalarroingKu mae ri ke'nanga, siagang rapang pepe' laKupanraki ke'nanga lanri sikontu panggaukanna ke'nanga. INakke, Batara Kaminang Tinggia, anne akkana.”

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

YESAYA 37:3

Iaminne pasanna Hizkia napabattua ke'nanga mae ri Na'bi Yesaya, “Anne alloa, allo kasusaang; nihukkungki' siagang nihinaki'. Rapangki' baine erokamo ammana', mingka la'busu'mi kagassinganta.

YESAYA 36:22

Jari nakekke'mi pakeanna Elyakim, Sebna, siagang Yoah, tanra si'nana pa'mai'na ke'nanga, nampa a'lampa a'laporo' ri karaenga, anjo apa le'baka napau perwira tantarana Asyur.

YESAYA 34:6

Lattalaka ceraki pa'danNa Batara siagang larassi jannana ke'nanga, rapang cera'na siagang jannana olo'-olo' nikoro'bangkanga. Saba' appasadiai Batara koro'bang ri Bozra, siagang lajai tau Nabuno ri butta Edom.

YESAYA 17:14

Ri wattu karuenna appakamalla' lompoi ke'nanga, mingka ri bari'basa'na tenami ke'nanga. Iaminjo rapanna sarenna sikamma tau arrampasakai apa-apanta.

YESAYA 10:32

Anne alloa nia'mi musua ri kota Nob, siagang anjoremmi ke'nanga ampanaiki panja'guru'na mae ri Bulu' Sion, mae ri kota Yerusalem.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.