YESAYA 29:1 - KITTA' MATANGKASA'

¹ Cilakai Yerusalem, nigallaraka tampa' pakkoro'bangngang untu' Allata'ala! Cilakai kota tampa'na Daud akkema. Boli'mi kamma assisambe-sambe taunga siagang passua'-suarranna ke'nanga.

YESAYA 29:1 Referans Kwoze

HOSEA 9:4

Ri sikamma anjo pa'rasanganga tena nulakkulle assare anggoro' siagang koro'bang olo'-olo' untu' ampakasannangi atinNa Batara. Anjo kanrenu lanapa'jari ra'masa' kabusuki sikamma tau angkanreai, sangkamma kanre nikanrea ri wattunna upacara nitarawanna tau matea. Anjo kanrea poro battannuji bawang angkasiaki matu-matunna; manna sike'de' tena nalanierangi mae ri Balla'Na Batara untu' a'jari passare anjoreng.

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

HOSEA 5:6

A'lampai ke'nanga a'boya Batara angngerang gimbala' siagang sapi untu' koro'bang, mingka yangasenna anjo tena matu-matunna. Nasaba' Nibokoimi ke'nanga ri Batara, na tenamo nakkulle ke'nanga ambuntuluki.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

IBRANI 10:1

Anjo hukkung agama Yahudia, poro pangngebarang bawang mae ri katte ri apa-apa baji' labattua; teaipi sitojennaya ri anjo passalaka. Taung-taungi tuli sakamma-kammana anjo koro'bang nipassareanga. Jari, antekamma batena lakkulle anjo hukkung kammaya siagang koro'bang kammaya ampasukkuki tangkasa'na tau battua anynyomba mae ri Allata'ala?

YESAYA 31:9

Lalari karaenna ke'nanga napakamma malla', nampa sikamma perwirana sanna' ta'bangkana, sa'genna nabokoi ke'nanga sikamma bandera pa'bundukanna.” Batara le'ba' akkana, Batara nisombaya siagang nipakalompoa, nisarea koro'bang nitunu ri Yerusalem.

YEREMIA 7:21

Nakana Batara, “He ummakKu, nuassengi angkanaya anjo passare nutunua irate ri tampa' pakkoro'bangnganga musti nitunui sa'genna cappu', nampa passare maraenga akkullei nukanre. Mingka iNakke, Batara, Kukana, allemi kanre ngaseng!

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

YESAYA 29:9

Tulusu' kalanna'-lannassang mako siagang tulusu' tongko'mi matannu rapang tau butaya! A'jari tau nasa'ringko, mingka teai lanri angnginunnu anggoro'. Ta'royong-royongi jappanu, mingka teai lanri angnginunnu inungang terasa'.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

KAIMANGNGANG 23:4

Iaminne allo-allo lompo Napattantua Batara siagang mustia nipa'la'bang ri wattu le'baka nipattantu.