YESAYA 28:9 - KITTA' MATANGKASA'

⁹ Akkunrarengi ke'nanga passala' ri nakke, nakana, “Nakana kalenna inai naajara'? Inai todong parallu pappakasingara' battu ri ia? Nakanaka ikatte anne ana' ca'di beru nisa'la susu?

YESAYA 28:9 Referans Kwoze

PAMMUJI 131:2

Sitojenna, sannangi pa'maikku na tena nalussa'; sanrapang ana' lolo le'baka anynyusu, sannang tinrona niriwa ri amma'na, kammaminjo sannanna pa'maikku.

YEREMIA 6:10

Appialia' angkana, “Batara, inai musti kupa'bicarai, siagang inai musti kupappakaingakki? Kapala batui ke'nanga siagang taerokai mappilangngeri. Nakakkali siagang nakabirisi ke'nanga pasanTa kupabattua mae ri ke'nanga.

YOHANES 12:38

Jari a'rupami apa le'baka napau Na'bi Yesaya angkanaya, “O Batara, inaika tappa' ri kabara' napabattua ikambe? Inaimi lanipicinikiang kakoasanTa Batara?”

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.

YOHANES 3:19

Iaminne passala'na nanituntuki: Battumi anjo singaraka antama' ri anne linoa, mingka nangaiangangi rupataua sassanga kala singaraka, lanri ja'dala'na ngaseng panggaukanna ke'nanga.

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YESAYA 53:1

Appiali anjo bansaya nakana, “Inai tappa' ri apa le'baka nalangngere' ikambe? Inai le'ba' nipa'nyatang koasaNa Batara?

MARKUS 10:15

U'rangimi anne! Inai-nai tena na'jari sanrapang anne anaka andallekang ri Allata'ala, takkulleai a'jari umma'Na Allata'ala.”

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

PANGNGEBARANG 1:29

Sangkamma ngasengko tau tenaya nale'ba' nungai anggappa pangngassengang, kammayatompa limpuruki bukunnu mannuruki ri Batara.

PAMMUJI 50:17

Saba' taerokako antarimai pappakaingakKu, siagang nutollaki parenta-parentaKu.

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

YESAYA 30:20

Nasareko Batara wattu paccoba lompo lanri ero'nu Naajara'. Mingka kamma-kamma anne KalenNa anrurungangko, sa'genna lanukasia' kahaderanNa.

YESAYA 28:26

Naassengi carana anjamai, saba' le'ba'mi Niajara' ri Allata'alana.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”