YESAYA 28:5 - KITTA' MATANGKASA'

⁵ Batara Kaminang Makoasaya la'jari rapang bunga ga'ga mae ri umma'Na tassesaya.

YESAYA 28:5 Referans Kwoze

1 PETRUS 5:4

Na punna battu sallang Pakalawaki Mala'birika, langgappa mako hadia sannaka ga'gana. Anjo hadiaya takkulleai amminra kaga'ganna.

YESAYA 62:3

La'jariko rapang songko' kala'birang lalang limanNa Batara, songko' kakaraengang lalang limanNa Allata'alanu.

YESAYA 60:19

Tena nuparallu nisingari ri allo ri wattu singaraka, siagang tena nuparallu nisingari ri bulang punna bangngi. Saba' iNakke Batara, la'jari singara' mannannungang mae ri kau, Kusingariko siagang kala'birangKu.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YESAYA 41:16

Lanutapi ke'nanga, nampa niri'bakang ri anging ke'nanga nipasimbung ri anging lompo. Larannui pa'mai'nu lanri Nakke, Batara, lompoi pa'mai'nu lanri Nakke, Allata'alana Israel

AYUB 29:14

Lambusuki gaukku, tena callangku; kupaentengi kaadelanga situlina.

2 KORINTUS 4:17

Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

YESAYA 11:16

Lania' agang lompo untu' lanaolo umma'Na tassesaya assulu' battu ri Asyur, sangkamma wattunna assulu' Israel battu ri Mesir.

YESAYA 4:3

Sikamma tau ammantanga ri Yerusalem, iamintu tau nipilea ri Allata'ala untu' nipasalama', lanikanai tau matangkasa'.

YESAYA 24:16

Battu ri cappa'na buttaya lania' kalangngerang sa'ra kelong pammuji mae ri Israel, bansa mannurukia. Mingka inakke cilakama'! Inakke ta'ronanga'! Tau a'bali' ballanga tuli nagaukanna a'gau' bali' ballanga.

YEHEZKIEL 16:12

Kusareiko cincing ka'muru, anting-anting siagang songko' ga'gaya.

ZAKHARIA 12:5

Nampa lanakanamo sikamma kaluarga Yehuda lalang pa'mai'na, ‘Batara Kaminang Koasaya assarei kagassingang umma'Na ammantanga ri Yerusalem.’