YESAYA 28:25 - KITTA' MATANGKASA'

²⁵ Punna sadiamo anjo buttana, appakioro'mi bine, ebara'na bine le'leng siagang bine kebo'. La'lamungi ruang rupa gandung a'barri'-barrisi', nampa ri birinna lamung-lamung maraeng.

YESAYA 28:25 Referans Kwoze

YEHEZKIEL 4:9

Kamma-kamma anne angngalleko gandung, jelai, campe' eja, campe' biasa, battang siagang gandung alusu'. Pasileo' ngasengi anjo nampa nupare' roti. Iaminjo a'jari kanrenu lalang 390 allo attinro tattiling mae ri kairi.

MATIUS 23:23

Cilaka ngaseng mako ikau guru-guru agamaya siagang tu Farisia, lanri nungai assara-saraia. Assare mako passidakka mae ri Batara; wassele' lamung-lamunnu kammaya lamung-lamung nipareka pa'bumbu lisere'na, lamung-lamung nipareka bumbu yareka pa'minynya'-minynya' siagang lamung-lamung nipareka pa'balle leko'na. Yangasenna anjo nupassidakkammi bage sampulona ri Batara. Mingka kaminang parallua lalang pangatorang agamaya kammaya: Kaadelang, pangngamaseang, siagang akkana sitappaka, tena ngaseng nujampangi. Na sikontutojenna yangaseng minjo parallu nugaukang, nampa nuu'rangi todong maraenganga.

YESAYA 28:24

Se'rea pamarri tena natulusu' lappa'jeko, ammingkung, siagang a'nangkala ri buttaya untu' nalamungi.

YESAYA 28:26

Naassengi carana anjamai, saba' le'ba'mi Niajara' ri Allata'alana.