YESAYA 28:21 - KITTA' MATANGKASA'

²¹ Lammentengi Batara sangkamma ri Moncong Perazim. Laberjuangi sangkamma ri Lappara' Gibeon untu' anggaukangi pattujunNa, iamintu pattujuang appakalannasaka mae ri rupataua! LaNagaukangi jama-jamanNa appakalannasaka.

YESAYA 28:21 Referans Kwoze

1 PATTOTTORANG 14:11

Jari mangemi Daud siagang pasukanna ambunduki anjo tu Filistin ri Baal-Perasim na nabetamo ke'nanga. Nakanamo Daud, “Napakema' Allata'ala untu' allappoi tampa' attahanna musua sanrapang a'ba allappariai yangasenna apa-apaya, lalang wattu sinampe'ji bawang.” Iaminjo saba'na naniaremmo anjo tampaka “Baal-Perasim”.

2 SAMUEL 5:20

Nampa a'lampamo Daud mange ri Baal-Perasim siagang nabetami anjoreng anjo pasukang tu Filistin. Nampa angkana, “Le'ba'mi Narumbang Batara pattahanganna musungku, sanrapang a'ba anrumbangi sikontu apa-apaya lalang wattu sinampekang.” Lanri kammanami anjo naniaremmo anjo tampaka, “Baal-Perasim”.

YOSUA 10:12

Anjo alloa ri wattunna Nasare Batara pammetang tu Israel mae ri Amori, a'bicarami Yosua mae ri Batara. Na ri dallekanna tu Israel, nakanamo Yosua, “E, mataalloa! Ammantangko irateanna Gibeon; Na ikau bulanga! Teako a'letteki battu ri rateanna Ka'bung Ayalon.”

YOSUA 10:10

Nipa'jari lingumi ri Batara anjo tu Amoria ri wattunna nacini' ke'nanga tantara Israel. Jai tu Amori nibuno ri Gibeon, siagang anjo attallasaka ija niondangi naung ri pungku'na monconga ri Bet-Horon sa'genna mange ri Azeka siagang Makeda bellana patimboro'na.

PIRAUNG 2:15

Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

1 PATTOTTORANG 14:16

Nagaukammi Daud anjo apa Napassuroanga Allata'ala mae ri ia. Nabundukimi Daud siagang pasukanna anjo tantara Filistinga, sa'genna napaunduru' appakkaramula battu ri Gibeon sa'genna ri Gezer.

2 SAMUEL 5:25

Nagaukammi Daud anjo apa Naparentakanga Batara, siagang akkullemi natunrung sa'genna ammunduru' anjo tu Filistin battu ri Geba sa'genna mange ri Gezer.

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

YESAYA 28:19

Lanitujuko ri kacilakang situlusu'na, siagang musti nutanggong ngasengi anjo kammaya allo-allo, bari'basa', tangngaallo siagang bangngi. Lannekkerekko napakamma malla' punna nupahangi pappasanNa Allata'ala.

YEREMIA 30:14

Sikontu tumangngainu takkaluppami ri kau; taerokami ampikkiriki kalennu. Kamma musu le'baka a'bakka na nahukkungko siagang palla', lanri jaina dosanu siagang lompona kasalannu.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YEHEZKIEL 33:21

Ri tanggala' lima bulang sampulo, lalang taung makasampulo anrua ri wattu nipela'na ikambe, nia' sitau akkulle ta'lappasa' battu ri Yerusalem; battui angngerang kabara' ri nakke angkanaya tu'guru'mi kota Yerusalem.

PIRAUNG 3:33

Taerokai pa'mai'Na ambalang parekangki' ballasa' siagang si'na.

PAMMUJI 94:16

Inai angngalleia' battu ri tau dorakaya? Inai angngagangnganga' angngewai tau a'gau' ja'dalaka?

YESAYA 65:7

lanri dosana ke'nanga siagang dosana boe-boena ke'nanga. NahinA' ke'nanga lanri attunui kamanynyang untu' rewata-rewataya ri tampa' panynyombanna ke'nanga irate ri bulu'. LaKubalasaki situru' siagang panggaukanna ke'nanga ri wattu allaloa.”

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.

YESAYA 29:23

Saba' punna nucini' sikamma ana'nu Kupassareanga mae ri kau, lanuakuiMa' angkana iNakkemi Allata'ala matangkasa'na Israel. LanupakalompoMa' siagang lamalla' mako mae ri Nakke.

YESAYA 64:2

rapang pepe' amparinrayai kayua siagang ampa'rereai je'neka. Kipa'nyatami koasaTa mae ri musu-musunTa, sa'genna annekkere' bansa-bansaya ri dallekanTa.

HABAKUK 1:5

Nampa Nakanamo Batara mae ri umma'Na, “Parhatikangi bansa-bansaya ri tammulilinu, nanulalannasa' siagang latakkajannang. Nasaba' ri jammannu nia' apa ero' laKugaukang, tenaya nalanupatappa' punna poro nicarita bawang mae ri kau.