YESAYA 28:13 - KITTA' MATANGKASA'

¹³ Lanri kammana anjo laNaajarakko Batara tasse're-se're hurupu', tassibuku-tassibuku kana, kammayatompa tassilampang-tassilampang bicara. Na ri wattunnu a'jappa latu'guru' tumingarako sa'gennu loko', nialle ri sikko' siagang nitahang.

YESAYA 28:13 Referans Kwoze

MATIUS 13:14

Lanri kammana, a'rupami apa le'baka nasero kana Na'bi Yesaya angkanaya, ‘Nakana Allata'ala: Latuli allangngerekko mingka tanupahangai; Latuli nuparhatikangi mingka tanuassengai apa kajarianga.

2 PETRUS 3:16

Anjo passalaka tuli napauna Paulus lalang ri sikamma sura' natulisika. Memang, nia' siapa are passala' anjo napaua lalang ri sura'na sukkara' nipahang. Na anjo tau tenaya napahangi siagang tenaya najarre' tappa'na, naputara' bale'mi anjo apa natulisika Paulus. Anjo ri kammaya tena niparallu lannasa'. Lanri kamma tomminjo panggaukanna ke'nanga mae ri bageang maraengannaya bonena Kittaka. Anjo panggaukang kammaya poro kapanrakang bawang wassele'na mae ri kalenna ke'nanga.

MATIUS 21:44

Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

YESAYA 28:10

Angngapa naia langngajarakki' tasse're-se're hurupu', tassibuku-tassibuku kana, kammayatompa tassilampang-tassilampang bicara.”

PAMMUJI 69:22

Ba'lalo nisarema' kanre racung; wattungku turere, nisarea' angnginung cukka.

ROMA 11:9

Nakana todong Daud, “Balang pare'na a'jari sikko' mae ri kalenna passua'-suarrang kalenna ke'nanga, siagang a'jari kalo'bang napatu'guria ke'nanga, napanra'.

HOSEA 6:5

Lanri kammana anjo Kusuromi battu na'bi-na'biKu untu' ampabattui mae ri kau kaputusangKu angkanaya musti nihukkung ngasengko siagang nipanrakiko. Apa Kukaerokia battu ri kau ngaseng a'nassami siagang singara'mi:

HOSEA 8:12

AnnulisiKa' jai sikali pangngajarang untu' ke'nanga, mingka kabusu'na anjo natolla' ngasengi ke'nanga, lanri nakanana tena passisambunganna ke'nanga siagang anjo pangngajaranga.

YESAYA 59:10

Angngosalaki ikambe rapang tau buta; tangnga allo natatto'ro ikambe sangkamma ri lantanna bangngia; rapangi tau mate ikambe ri tangnga-tangngana tau attallasaka.