YESAYA 28:11 - KITTA' MATANGKASA'

¹¹ Punna tena ngaseng nuero' ampilangngeria', lania' tau maraeng laNasuro Batara untu' angngajarakko bicara maraeng, julea nulangngere'.

YESAYA 28:11 Referans Kwoze

1 KORINTUS 14:21

Nia' tattulisi' lalang ri Kittaka angkanaya, “Nakana Batara, ‘Tete ri sikamma tau a'bicaraya siagang bicara appakalannasa', erokKa' a'bicara mae ri anne ummaka. Ba'lalo, tete ri bansa-bansa maraenga, erokKa' a'bicara mae ri ummakKu; mingka manna nakamma, taerokai ke'nanga allangngereki kana-kanangKu.’ ”

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

YESAYA 33:19

Tenamo nulaccini' bansa maraeng tenaya nangngasseng atorang, a'bicaraya lalang bicara tena nupahangi.

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

YEHEZKIEL 3:5

Mange ri ke'nanga Kusuroangko, teai mange ri bansa susaya bicaranna, tenaya nuassengi yareka tena nupahangi. Ebara' angkana Kusuroko mange ri bansa kammaya anjo, lanapilangngeri ke'nanga kana-kanannu.