YESAYA 27:8 - KITTA' MATANGKASA'

⁸ Nahukkungi Batara umma'Na, iamintu Napelaki ke'nanga mange ri pa'rasangang maraenga. Nabongkai ke'nanga siagang anging ja'dala' niaka battu raya.

YESAYA 27:8 Referans Kwoze

HOSEA 4:1

Nia' parkaraNa Batara siagang pandudu'na anne pa'rasanganga. He Israel, pilangngeri anne apa kananNa, “Ri anne pa'rasanganga tena kamajarrekang pa'mai' siagang pangngamaseang, siagang pandudu'na tena naaniA' salaku Allata'ala.

YEHEZKIEL 19:12

Mingka nibi'buki ri lima-lima larroa, nampa nipela' naung ri butta. Ammiriki anging battu iraya angkalotori rappo baji'na. Tepoki tangkenna, a'jari kalotoro' nampa nitunu.

YEREMIA 10:24

Pangngajarimi ikambe o Batara, mingka teaKi' pamma'ji pa'risi' dudua. Tea tongKi' hukkungi ikambe punna lalang larroKi', nasaba' mattantu lapanra' ngasengi ikambe.

YEREMIA 4:11

Lania' wattunna sallang anjo tu Yehuda siagang pandudu'na Yerusalem anggappai kabara' angkanaya ammiriki anging bambanga battu ri paranga tattuju mae ri ke'nanga. Anjo anginga teai anging biasa, anri'bakanga bawang awang,

1 PETRUS 1:6

Lanri kammana, paralluko rannu ri pa'mai'nu, manna pole kamma-kamma anne untu' sinampekang musti a'jari si'nai pa'mai'nu lanri a'rupa-rupana paccoba antujuko.

HOSEA 13:15

Manna pole coppong bansa Israel rapang ruku' coppong, mingka lappabattuA' anging bambang battu iraya ri parang lompoa. Anjo anginga lampakalotoroki sikontu timbuseng je'neka siagang bungunga, sa'genna lanynya' kabusu'mo apa-apa niaka anggaranna.

YEREMIA 46:28

Jari teako mallakki, he ummakKu, labattuA' untu' ampasalamakko. Bansa-bansa, tampa'nu Kupasiara', laKupanraki kabusuki, mingka ikau tena Kupakammako. Memang, tena nulata'lappasa' battu ri hukkungang mingka hukkungangKu mae ri kau adeleki situru' katantuanga. INakke, Batara, anne akkana.”

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

YEREMIA 4:27

Napaui Batara angkanaya sikontu linoa la'jari parang lompoi, mingka tena nalaNapanraki taba sikali.)

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

PAMMUJI 103:14

Saba' Naassengi Batara angkana battu ri apaki' nipa'jari, Nau'rangi angkana poro limbu'bu' buttajaki' bawang.

PAMMUJI 78:38

Mingka Nakamaseangi siagang Napammopporangi Allata'ala umma'Na, siagang tena Napapossoki ke'nanga. A'mole-molei Natahang larroNa, natena Napa'betteseki pangngalarroiNa.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PAMMUJI 38:1

Pammujina Daud ri wattu assarena koro'bang pappakainga'.

PAMMUJI 6:1

Untu' pamimping pakelonga. Nirurungangi ri kacapi. Situruki lagu makasagantujua. Pammujina Daud.

AYUB 23:6

Maka laNapakei koasaNa mae ri nakke? Tena! Mattantu laNapilangngeri kana-kanangku.

PAMMUJI 103:9

Tena Natuli angga'gara', siagang tena Natuli larro satunggu-tungguna.

YESAYA 64:5

Kiruppai tau lambusuka siagang tau attallasaka situru' erotTa. LarroKi' mae ri kambe, mingka tuli dorakana ikambe memang battu riolo iji nasala ikambe.

PIRAUNG 3:31

Nasaba', tena nalaNasorongbokoki' Batara untu' satunggu-tungguna.

PIRAUNG 3:32

Punna le'bakki' Nasare kaballassang lamangngamaseangi antu mae ri katte, lanri tuli Nakamaseanta ri pangngai tamattappu'Na.