YESAYA 26:21 - KITTA' MATANGKASA'

²¹ Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

YESAYA 26:21 Referans Kwoze

YESAYA 18:4

Nakana Batara mae ri nakke, “Battu irate ri pammantangangKu, laccinikKa' naung siagang sannang na singara', kamma sannanna saliu' ri wattu bambanna bangngia lalang wattu pakkattoang, kamma singara'na alloa ri wattu singaraka.

YESAYA 13:11

Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.

AYUB 16:18

He buttaya, teako cokkoi ri nakke kaja'dallanga; teako pammakkangngi pakkiokku appala' kaadelang.

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”

LUKAS 11:50

Kammaminjo Nagaukang Allata'ala, sollanna akkulle nihukkung taua ri anne jammanga, lanri pammunoang le'baka nagaukang ke'nanga mae ri na'bi-na'bia, appakkaramula ri wattunna nipa'jari linoa.

LUKAS 11:40

Ikau tolo ngasengko! Sai anjo Napa'niaka Allata'ala iamintu bageang pantaraka siagang bageang lalanga?

YEHEZKIEL 8:6

Nakana Allata'ala ri nakke, “He tau, apa nucini' kajariang? Parhatikangi sikamma panggaukang appakaringi' nagaukanga tu Israel, ampakabellaiA' battu ri BallakKu! Maeko, laKupicinikiangko apa-apa la'bi kodiangnganga pole.”

PAPPICINI' 18:24

Nihukkungi Babel, lanri nia'na nigappa lalang ri anjo kotaya iamintu cera'na na'bi-na'bia, cera'na Umma'Na Allata'ala; bodona kana, cera'na sikontu tau le'baka nibuno ri linoa.

AYUB 20:27

Nisungkei ri langi' kaja'dallanna; ambangungi buttaya ambaliangi.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 22:14

Napa'nyatai KalenNa Batara Kaminang Tinggia siagang Kaminang Makoasaya mae ri nakke, na nakana, “Tojeng, anjo kaja'dallanna ke'nanga tena nalaKupammopporang sa'genna mate ke'nanga. INakke, Batara, anne le'ba' akkana kamma.”

YESAYA 29:6

LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

YESAYA 65:6

Hukkunganna ke'nanga le'ba'mi tattulisi' ri dallekangKu. Tojeng, tena Kulammantang a'mereki. LaKubalasaki kaja'dallanna ke'nanga

YESAYA 65:7

lanri dosana ke'nanga siagang dosana boe-boena ke'nanga. NahinA' ke'nanga lanri attunui kamanynyang untu' rewata-rewataya ri tampa' panynyombanna ke'nanga irate ri bulu'. LaKubalasaki situru' siagang panggaukanna ke'nanga ri wattu allaloa.”

YESAYA 66:6

Pilangngeri! Nia' sa'ra gamarrung ri kotaya; nia' sa'ra battu ri BallakKu; iaminjo sa'rangKu a'balasaka mae ri musua!