YESAYA 26:20 - KITTA' MATANGKASA'

²⁰ Antama' mako ri balla'nu, he bansaku, nampa nutongko' pakke'bu'nu. Accokko mako untu' sinampekang, sa'genna ammari larroNa Batara.

YESAYA 26:20 Referans Kwoze

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 27:5

Najagaia' Batara ri wattungku lalang kasukkarang; Nacokkoa' lalang ri Balla'Na, na Naangkaka' nai' ri moncong batua.

MATIUS 6:6

Jari, ikau punna erokko assambayang, antamakko ri bili'nu nampa nutongko' pakke'bu'nu, nunampa assambayang ri Allata'ala Manggenu, tenaya naniciniki. Na Manggenumi anciniki anjo sambayannu nugaukanga ri pammantangang taccokkoa. Iami sallang lassareko pahala lanri anjo sambayannu.

PAMMUJI 91:4

LaNatongkokko siagang ka'nyi'Na, sa'gennu amang lalang ri la'lanNa; nyawa tamamminraNa sanrapangi pa'lapa' ri batangkalennu anjagaiko.

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

PAMMUJI 17:8

Kiparakaia' sanrapang lisere' matanTa, kicokkoa' lalang ri la'lanna ka'nyitTa

2 KORINTUS 4:17

Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.

YESAYA 10:25

Sinampe'ji nammari larroKu mae ri kau, nampa Kuancuru' anjo ke'nanga.

PAMMUJI 32:7

IKattemi tampa' paccokkoangku, Kilappassanga' battu ri kasukkaranga. Nakuakkio'mo napakamma rannu, saba' le'ba'ma' Kipasalama'.

YESAYA 51:4

Parhatikangi sa'rangKu, he bansaKu, pilangngeri kana-kanangKu, he ummakKu. Kupassareangi ajarangKu mae ri bansa-bansaya, hukkung-hukkungKu lansingari ke'nanga.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

PAMMUJI 31:20

Tamaka alla'bi-la'bina kabajikanTa Kipasadiaya mae ri tau mappilangngeria! Sikamma taua nacini' ngasengi kabajikang Kigaukanga, mae ri sikamma tau ma'la'langa mae ri Katte.

YEHEZKIEL 11:16

Lanri kammana anjo, pabattui anne pasangKu mae ri agang-agannu nipelaka, angkana iNakke angngerangi ke'nanga a'lampa bella ri alla'na bansa-bansaya siagang ampasiaraki ke'nanga ri anjo sikamma pa'rasanganga. Mingka lalang nia'na ke'nanga anjoreng, iNakke lanrurungangi ke'nanga.

YESAYA 51:16

INakke ampaka'rangi langika siagang ampadongkoki dasara'na buttaya. Kukana mae ri Sion: Ikaumi ummakKu; Kupassareangi ajarangKu mae ri kau na Kula'langiko siagang koasaKu.”

PAMMUJI 143:9

Battua' ero' a'la'lang mae ri Katte, o, Batara, Kilappassanga' battu ri musu-musungku.

PAMMUJI 57:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna lari antama' ri kali'bong batua alliliangi Saul.

PA'JARIANG 7:1

Nampa Nakanamo Batara mae ri Nuh, “Kuciniki angkanaya ikau mami bawang kale-kalennu tau anggaukangai erokKu. Jari, antama' mako ri anjo kappalaka siagang sikontu bija pammanakannu.

YEREMIA 31:14

Sikamma imanga Kupassukkuki ganna'na siagang kanre-kanreang; siagang sikontu ummakKu ia parallua laKusarei. INakke, Batara, anne akkana.”

PA'JARIANG 7:16

situru' apa Napassuroanga Allata'ala mae ri ia. Le'ba'namo antama' ngaseng, Natongko'mi Batara pakke'bu'na anjo kappalaka.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

YEREMIA 7:23

Poro Kuparentakanji bawang ke'nanga sollanna mannuruki ri Nakke, sollanna iNakke a'jari Allata'alana ke'nanga, siagang ke'nanga a'jari ummakKu. Kusuroi ke'nanga attallasa' situru' parenta-parentaKu sollanna mate'ne ke'nanga.

AYUB 14:13

Cokkoma' lalang ri linona tau matea; jagaia' sa'genTa tenamo Kilarro. Mingka Kipattantu wattunna untu' Kiu'rangia'.

PANGNGEBARANG 22:3

Tau cara'deka a'lili punna accini' bahaya; tau toloa a'jappa tulusuki nampa nituju ri bala.

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 13:5

Battui ke'nanga ri pa'rasangang-pa'rasangang bellaya di cappa'-cappa'na buttaya. Lalang larroNa Napakei Batara ke'nanga untu' ampanraki sikontu buttaya.

YESAYA 34:2

Larroi Batara mae ri sikontu bansaya siagang sikontu pasukanna ke'nanga. LaNahukkungi siagang laNaancuruki ke'nanga.

YESAYA 66:14

Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

ZEFANYA 2:3

Ammotere' mako mae ri Batara, he sikontu tau tuna pa'maika ri anne pa'rasanganga, siagang sikontu tau anturukiai parenta-parentaNa. Appanggaukang mako situru' ero'Na Batara, siagang pakatunai kalennu ri dallekanNa. Inai angngassengi gassingka lata'lappasa' jako battu ri hukkunganga ri allo Napa'nyatana kalarroanNa Batara.

PAMMUJI 57:2

Kikamaseang laloa', o, Allata'ala, Kikamaseanga', saba' iKattemi pa'la'langangku. Lalang pa'la'langanna ka'nyitTa kupaccokkoi, sa'genna ammari a'jallo' angnging lompoa.

PAMMUJI 94:13

Kipakasannangi ri allo-allo nia'na bala lompo, sa'genna nikekeang kali'bong untu' anjakkalaki tau ja'dalaka.