Biblia Todo Logo
Bib sou entènèt

- Piblisite -




YESAYA 26:19 - KITTA' MATANGKASA'

19 UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

Gade chapit la Kopi




YESAYA 26:19
37 Referans Kwoze  

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.


Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”


Tassungkemi kuburuka, siagang jaimi tau mate umma'Na Allata'ala nipattallasa' poleang.


Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.


Lalang anne rua yareka tallungalloa laNapa'jari bajikki' ammotere', nakilattallasa'mo ammotere' irawa ri la'lanNa.


Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.


LaNaancuruki Batara Kaminang Makoasaya anjo kamateanga sa'genna satunggu-tungguna! LaNasapui sikamma je'ne' mataya battu ri rupaya, siagang Napakabella kahinanga ia natanggonga umma'Na ri sikontu buttaya. Batara anne le'ba' akkana kamma, na mattantu lakajarianna anjo passalaka.


Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.


Lappakioroki bine ke'nanga siagang amang. La'rappoi poko'-poko' anggoro'na ke'nanga, lanisarei wassele' ke'nanga battu ri buttaya, siagang laturungi alla'bi-la'bi bosia. Sikontu anjo barakkaka Kupassareangi mae ri sikamma tau attallasaka ija battu ri anne bansaya.


Mingka a'buttimi angkanaya ma'nassa le'ba'mi nipattallasa' poleang Almasi battu ri kamateanga. Iaminne a'jari pammatei ma'nassa lanipattallasa' poleangi ammotere' tau matea.


Nakana Batara, “UmmakKu ammengka salaya, Kuallei ammotere' naKukamaseang sikontu pa'mai'; talaKukalarroiami pole ke'nanga.


Se're-se'reji bawang kukaerokia, iamintu: sollanna akkulle kuasseng Almasi, siagang akkulle kukasia' todong kakoasang le'baka ampabangungi ammotere' battu ri kamateanga. Ero' tonga' amminawang angkasiaki pa'risika siagang Ia, siagang amminawang todong sangkamma Ia ilalang ri kamateanNa.


Tenamo kagassingangku sanrapang je'ne' tattumpaya, sikontu bukungku sangkamma ta'lappasa' ngasemmi ri lesoanna, assolommi atingku sanrapang liling.


Jari-jarina Yakub laamangi tallasa'na, salewangang ri pa'rasangang ga'gaya alla'bi gandunga siagang je'ne' anggoroka allung battu ri langi' ambasai buttaya.


Sangkamma ke'nanga, inakke tappa' tonja' mae ri Allata'ala, angkanaya sikontu tau matea lattallasa' poleangi ammotere' – iamintu sikamma tau bajika kammayatompa sikamma tau ja'dalaka!


Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.


Ri sesena suku Yusuf nakana: “Dasi-dasi nanibarakkaki buttana ke'nanga ri Batara ri je'ne' battu rawa ri butta siagang bosi.


Dasi-dasi narapang bosi manurung pangngajarangku, na rapang je'ne' allung mammatti' kana-kanangku, rapang bosi sarro ri tompo'na ruku'-rukuka, bosi a'ricci'-ricci' ri tompo'na lamung-lamunga.


A'lampai andallekang ri Pilatus, na napala' maya'na Isa. Na parentakammi Pilatus sollanna nisareang anjo maya'Na Isa.


Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.


Sanrapanga' poko' kayu copponga timbona, gannaki ri je'ne' aka'na, nibasai ri saliu' tangke ca'dina.


Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.


Nasaba' Batarayami makoasa, Ia ammarenta mae ri bansa-bansaya.


Nakana Batara mae ri nakke, “Battu irate ri pammantangangKu, laccinikKa' naung siagang sannang na singara', kamma sannanna saliu' ri wattu bambanna bangngia lalang wattu pakkattoang, kamma singara'na alloa ri wattu singaraka.


Manna a'jari jappo' aka'na lalang butta, na mate tonasa'na lanri botto'mi,


Apaka untu' tau matea naKigaukang gau' appakalannasaka? Maka ambangungi ke'nanga nampa mammuji mae ri Katte?


Swiv nou:

Piblisite


Piblisite