YESAYA 26:17 - KITTA' MATANGKASA'

¹⁷ Rapang baine lamanaka ammulissara' siagang ammarrang napakamma pa'risi', kammaminjo ikambe ri dallekanTa, o Batara.

YESAYA 26:17 Referans Kwoze

YOHANES 16:21

Punna nia' sitau baine la'biring ammana', lasusai, nasaba' narapi'mi wattunna lasessa. Mingka kamma lassu'na ana'na, nakaluppaimi pa'risi'na anjo bainea napakamma rannu, lanri lassu'namo anjo ana'na antama' ri lino.

YESAYA 13:8

Lanibattui ke'nanga ri kamallakkang lompo, nammulingkara' sanrapang baine pa'risika nasa'ring lamana'. Lamassing sicinikimi ke'nanga lalang malla', ejai rupanna napakamma siri'-siri'.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

YESAYA 21:3

Linguma' kugappana anjo paccinika, sa'genna takkulleama' accini' siagang allangngere'. Malla'ma' siagang pa'risi'mi kusa'ring, rapang baine lamanaka.

YEREMIA 30:6

Coba sai pikkiri' siagang salidiki! Maka akkullei tu bura'nea allassukang ana' lolo? Punna kamma, angngapa Kucini' tunggala' bura'nea pi'lasa' tanja'na anjallakkangi battanna siagang limanna rapang baine eroka ammana'?

YEREMIA 6:24

Nalangngere'na anjo kabaraka, naummi sumanga'na pandudu' Yerusalem. Nibattuimi ri malla', siagang sessami pakkasia'na ke'nanga rapang baine eroka ammana'.

YEREMIA 4:31

Allangngereka' sa'ra kunrareng rapang baine eroka ammana'; rapang baine lolo allassukanga ana' bungasa', kammaminjo karru'na Yerusalem siagang sukkara'na a'mai'. Akkaeng-kaengi limanna nakkunrareng, angkana, “Bala kugappa – lanibunoa' ri musua!”

PAMMUJI 48:6

Mingka nacini'na anjo buluka, lannasa'mi ke'nanga; gegere'mi ke'nanga nampa lari a'lingu-lingu.

PAPPICINI' 12:2

Anjo bainea sitabangi tianang, siagang lanri narapi'mi wattunna lammana', ammarrang-marrammi napakamma pa'risi'.

YESAYA 37:3

Iaminne pasanna Hizkia napabattua ke'nanga mae ri Na'bi Yesaya, “Anne alloa, allo kasusaang; nihukkungki' siagang nihinaki'. Rapangki' baine erokamo ammana', mingka la'busu'mi kagassinganta.

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”