YESAYA 26:10 - KITTA' MATANGKASA'

¹⁰ Manna nabaji' nigaukang ri tau ja'dalaka, tena todong napappilajari apa annabaya. Manna ri pa'rasangang niaka hukkunna jekkong tonji gau'na, na taeroka angngakui koasaNa Batara.

YESAYA 26:10 Referans Kwoze

HOSEA 11:7

siagang terasa'na nyawana ero' ambokoiA'. Jari lanijallakkangi ke'nanga, mingka tena lakkulle allappassangi ke'nanga manna pole nammarrang ke'nanga appala' tulung.”

PAPPICINI' 2:21

Le'ba'mi Kusare kasampatang untu' toba' battu ri dosa-dosana, mingka taerokai ammari anggaukangi anjo gau' bawanga.

MIKHA 2:10

Ambangung mako siagang a'lampamako, anrinni tenamo naamang. Dosa-dosana appabattui bala appakamalla'-malla' mae ri anne tampaka.

YEREMIA 2:7

Kuerangi ke'nanga mange ri pa'rasangang coppong untu' angkasiaki sikamma wassele' bajika anjoreng. Mingka anjorengi narantassi ke'nanga buttaKu nanapa'jari appakaringi'-ringi' apa-apa Kupatanga.

KATO'BA 3:16

Nia' pole kucini' ri anne linoa: kemae mustina nia' kaadelang siagang kabajikang, anjoremmi nia' kaja'dallang.

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PAMMUJI 106:43

A'mole-molei nipakabebasa' ke'nanga ri Batara, mingka la'bi nangai ke'nanga angngewa, sa'genna posso' ke'nanga lalang dosa-dosana ke'nanga.

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

KALAPPASSANG 9:34

Nacini'na karaenga anjo apa kajarianga, a'gau' dosami pole. Ia siagang sikamma pagawena tuli kapala batuna.

KALAPPASSANG 8:15

Ri wattunna nacini' karaenga angkanaya mate ngasemmi anjo tumpanga, kapala batumi pole. Na kamma le'baka Napau Batara, taerokai karaenga anjampangi kananna Musa siagang Harun.

HOSEA 13:6

Mingka ri nia'numo ri pa'rasangang bajika, siagang bassoro' mako kammayatompa sukku'mi nusa'ring, a'jari tampo mako siagang takkaluppa mako mae ri Nakke.

HOSEA 9:3

Ikau ngaseng, he bansa Israel, tena nulammantang tuli ri butta Napassareanga Batara mae ri kau. Musti ammoterekko mange ri Mesir, siagang musti angnganreko kanre harang ri Asyur.

YEREMIA 31:23

Batara Kaminang Koasaya, iamintu Allata'alana Israel, nakana, “Punna le'ba'mi Kupa'jari pore ummakKu sangkamma riolo, ri pa'rasangang Yehuda siagang ri desa-desana nia' nilangngere' tau lakkana, ‘Dasi-dasi naNabarakkaki Batara bulu' matangkasaka ri Yerusalem tampa' pammantangngang matangkasaka untu' KalenNa.’

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

YESAYA 24:5

A'jari rantasaki buttaya lanri pandudu'na nadakkai sikamma parentaNa Allata'ala, napinrai sikamma apa le'baka Napattantu Allata'ala, siagang tanarupaiyai ke'nanga parjanjiang le'baka Napare' siagang ke'nanga untu' satunggu-tungguna.

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

YESAYA 2:10

Lantamaki ke'nanga ri kali'bong-kali'bong batua ri bulu'-bulu' batu karang, yareka angngekei ke'nanga kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara.

PAMMUJI 143:10

Ajaria' anggaukangi erotTa, saba' iKattemi Allata'alaku. IKatte baji' pa'mai' lanrenrenga' mange ri oloang lapparaka.

1 SAMUEL 15:17

Nakanamo Samuel, “Sai ikattemi a'jari pamimping mae ri suku-suku Israel, manna nakikana kalenta tu tuna? Napile maki' Batara a'jari karaeng mae ri tu Israel.

YESAYA 32:6

Tau toloa kana-kana tolo napasulu' siagang kaja'dallang narancana. Apa-apa mamo nagaukang yareka napau, tuli nahinai Allata'ala. Tale'bakai nasare kanre tau cipuruka yareka nasare je'ne' inung tau turerea.

MATIUS 4:5

Le'baki anjo, nierammi pole Isa ri billisika mange ri Yerusalem, kota matangkasaka, nampa niboli' irate ri tompo'na Balla'Na Batara.

KALAPPASSANG 9:30

Mingka kuassengi angkanaya ikatte siagang sikamma pagaweta tenapa namalla' mae ri Karaeng Allata'ala.”

PAMMUJI 69:27

Saba' nasessai ke'nanga tau Kihukkunga, na nacarita sikamma tau nisessaya.

YESAYA 32:7

Na ia patipua sangnging kaja'dallang nanawa-nawa siagang nagaukang. A'boyai akkala' untu' ancilakai tau kasi-asia, iamintu a'boyai kana balle-balle siagang narompai ke'nanga anggappai ha'na.

2 KARAENG-KARAENG 13:6

Mingka manna nakamma tena tongija nammari tu Israel anggaukangi dosa-dosa appakkaramulaya nagaukang Karaeng Yerobeam. Tulusu' nagaukanna ke'nanga anjo dosa-dosaya, siagang nalappassang patunna Dewi Asyera ammantang tuli ri Samaria.

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.

YESAYA 1:21

Kota tamamminraya tappa'na riolo taunna, kamma-kamma anne sanrapammi baine pagau' sala! Riolo yangaseng pandudu'na adeleki, lambusuki, mingka kamma-kamma anne sangnging pabuno-buno pandudu'na.