YESAYA 25:5 - KITTA' MATANGKASA'

⁵ rapang anging bambang ri butta kalotoroka. Mingka iKatte antongkoki bawana musunna ikambe, Kipamari ammarranna sikamma tau pallaka, rapang la'lang rammang ampakadingingi bambang alloa.

YESAYA 25:5 Referans Kwoze

YEHEZKIEL 38:9

Ia siagang tantarana siagang jaia bansa anrurungangi labattui ambunduki, rapang anging lompo battua ambunduki siagang rapang rammang antongkoki sikontu anjo pa'rasanganga.”

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

YESAYA 18:4

Nakana Batara mae ri nakke, “Battu irate ri pammantangangKu, laccinikKa' naung siagang sannang na singara', kamma sannanna saliu' ri wattu bambanna bangngia lalang wattu pakkattoang, kamma singara'na alloa ri wattu singaraka.

YESAYA 14:19

mingka ikau tena jera'nu; maya'nu nipelaki sangkamma cu'la' nipelaka, nitambungi ri sikamma maya'na pejuang matea lalang bundu', siagang nipasambilaya siagang ke'nanga antama' ri kali'bong batua, rapang maya' nionjo'-onjokanga.

YESAYA 13:11

Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.

PAMMUJI 105:39

Naka'rangi Batara rammanga untu' alla'langi umma'Na, siagang pepe' untu' ansingari ke'nanga ri wattu bangngi.

YESAYA 25:6

Ri Bulu' Sion, lappasadiai Batara Kaminang Makoasaya parjamuang untu' sikontu bansaya ri lino. Appatalai kanre kaminang nyamanga siagang anggoro' nipilea.