YESAYA 25:4 - KITTA' MATANGKASA'

⁴ Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

YESAYA 25:4 Referans Kwoze

ZEFANYA 3:12

Anjoreng laKuboliki ammantang tuli se'reang bansa tuna pa'mai', ampattoangai pannulungKu. Akkullei ke'nanga ammantang anjoreng.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

YESAYA 33:16

Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

PAMMUJI 107:41

Mingka tu kasi-asia nipakabebasaki battu ri kasusaanna ke'nanga, pila' katambangi kaluargana ke'nanga sanrapang gimbala' jaina.

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YESAYA 49:25

Appiali Batara angkana, “Iaminjo lakajariang. Tunitahanna tubarania lanirampasaki ammotere'. Barang narampasa'na tau pallaka lanirampasaki ammotere'. Saba' iNakke KalengKu langngewai musunnu; laKupasalamaki sikamma ana'-ana'nu.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YESAYA 33:2

O, Batara, Kikamaseang laloi ikambe. IKattemi panrannuanna ikambe. Kijagai ikambe ri tunggala' alloa, siagang pasalamaki ikambe ri wattu kasukkaranga.

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

YESAYA 29:5

Mingka sikontu bansa maraeng pallaka anjo, lalalanynya' ngasengi rapang limbu'bu' yareka awang niri'bakang ri anging. Ti'ring battui siagang tanisanna-sannayai kabattuanna.

YESAYA 27:5

Mingka punna nia' musu-musunna ummakKu mae ri Nakke a'boya pa'la'langngang, boli'mi kamma assiama' siagang iNakke, Iyo, assiama' siagang iNakke.”

YESAYA 17:10

O, Israel, nukaluppaimi Allata'ala le'baka ampasalamakko siagang alla'langiko sanrapang moncong batu kassaka. Kabalekanna, nulamungimi kokonnu untu' rewata-rewataya.

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

PAMMUJI 119:31

Kuturukimi sikamma paratoranTa, o, Batara, teaKi' balang parekangia' nipakasiri'.

PAMMUJI 72:13

Nakamaseangi tu kasi-asia siagang ra'ya' ca'dia, na napasalama' katallassanna tu kasi-asi puppusuka.

PAMMUJI 72:4

Poro naalleangangi karaenga ha'na ra'ya' ca'dia, natulung tu kasi-asia siagang natumpasa' sikamma tau anjallakkangiai ke'nanga.

PAMMUJI 35:10

Nakanamo sikontu pa'maikku, “O, Batara, tena sanrapanTa! Kilappassangi tau lammaya battu ri tau gassinga, tu kasi-asia siagang tu pa'risika battu ri tumanjallakkanna.”

PAMMUJI 55:8

Iye', lanri'baka' bella sikali, na kuammantang ri parang luaraka.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

PAMMUJI 121:5

Batara lanjagaiko, niaki ri sa'rinnu untu' anjagaiko.

YESAYA 8:14

Lanri sanna'na tangkasakKu, iNakke la'jari batu natatto'roi ra'ya' Yehuda siagang Israel, siagang sikko' angngalleai pandudu'na Yerusalem.

YESAYA 16:3

Nakana ke'nanga mae ri Yehuda, “Paumi apa musti nagaukang ikambe. A'jari mako pa'la'langang mae ri kambe ri wattu bambanna alloa, siagang lappassammi ammantang ikambe lalang ri la'langannu. Ikambe anne tau lariki; cokkoi ikambe siagang teako alle bokoi ikambe.

YESAYA 28:6

LaNasarei Batara kaadelang sikamma hakinga, kabaraniang mae ri sikamma tau tugasaka anjagai kotaya battu ri pa'bakkana musua.

YESAYA 29:20

Iaminjo kale'bakkanna sikamma tau anjallakkangai paranna tau siagang anghinayai Allata'ala. LaNahukkungi Allata'ala sikontu tau dorakaya,

YESAYA 57:13

Punna ammarrangko, lappassammi na napasalamakko anjo patung-patunga! Latappelaki ke'nanga niri'bakang ri anging siagang lalanynyaki lalang sipa'maikang nappasa' bawang! Mingka tau a'la'langa mae ri Nakke lanawarisiki anjo pa'rasanganga siagang anynyomba mae ri Nakke ri BallakKu.”

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEHEZKIEL 38:9

Ia siagang tantarana siagang jaia bansa anrurungangi labattui ambunduki, rapang anging lompo battua ambunduki siagang rapang rammang antongkoki sikontu anjo pa'rasanganga.”

PAMMUJI 9:10

Batara pa'la'langanna tu nijallakkanga, tampa' pa'la'langanna ri wattu kasusaanga.