YESAYA 25:3 - KITTA' MATANGKASA'

³ LanipujiKi' ri bansa-bansa makassaka, siagang lanikamallakkangKi' ri kota-kotana sikamma bansa pallaka.

YESAYA 25:3 Referans Kwoze

ZAKHARIA 14:16

Nampa sikontu tau niaka ija attallasa' ri alla'na anjo bansa-bansa ambundukai Yerusalem, la'lampai mange ri anjo kotaya untu' anynyomba ri Karaeng, Batara Kaminang Koasaya, siagang untu' ampakalompoi Passua'-suarrang Pa'ballakang Leko'-Lekoka.

ZAKHARIA 14:9

Na Batara lammarenta salaku Karaeng ri sikontu linoa; tunggala' taua lanynyombai ri Ia salaku Allata'ala siagang naassengi arenNa lalang areng sangkammaya.

PAPPICINI' 11:13

Na anjo wattua ta'ge'goso' sanna'mi buttaya. Ancuru'mi bage sampulona anjo kotaya, siagang nia'mo tuju sa'bu jaina tau mate napakamma anjo ta'ge'goso'na buttaya. A'jari malla' sikali ngasemmi tau maraenganga, nampa mammuji ke'nanga mae ri kalompoanNa Allata'ala ri suruga.

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

YESAYA 13:11

Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

YESAYA 24:15

na tau niaka ri bageang iraya lamammuji mae ri Ia. Pandudu' niaka ri biring tamparanga lanapakala'biriki Batara, Allata'alana Israel.

YESAYA 29:5

Mingka sikontu bansa maraeng pallaka anjo, lalalanynya' ngasengi rapang limbu'bu' yareka awang niri'bakang ri anging. Ti'ring battui siagang tanisanna-sannayai kabattuanna.

MIKHA 7:17

Lakkaloloki ke'nanga ri buttaya rapang ulara'. Mallaki siagang annekkereki ke'nanga lassulu' battu ri pattahanganna ke'nanga, nampa battu mae ri Katte, o Karaeng Allata'alana ikambe.