YESAYA 25:2 - KITTA' MATANGKASA'

² Anjo kotaya le'ba'mi Kiancuru'; kota niaka balla' pattahanganna a'jari rumbangang. Balla' lompo nabangunga bansa maraenga cappu'mi, na tena nalanibangung poleang satunggu-tungguna.

YESAYA 25:2 Referans Kwoze

YESAYA 17:1

Nakana Batara, “Tenamo nala'jari kota anjo Damsyik, mingka la'jari pannambungang loro mami.

YESAYA 13:22

Sa'ra pilollong kongkong romang siagang serigala kalangngerang battu ri sikamma balla' rewataya siagang balla' lompona Babel. A'reppese'mi wattu kaancuranna siagang takkulleami nipammono' anjo wattua.”

YESAYA 25:12

Sikamma tembo' pattahanganna Moab siagang tembo'-tembo' tinggina ke'nanga lanirumbangi nampa nipatappasa' naung ri buttaya sa'genna ancuru' sangkamma limbu'bu'.

PAPPICINI' 18:19

Jari naboneimi au ulunna ke'nanga a'jari pammatei attau matei ke'nanga; nampa angngarru' siagang ammarrang-marrang ke'nanga angkana, “Adudu, teai sipato' cilakana anne kota lompoa! Kakalumanynyanganna ampa'jari kalumanynyangi sikamma tau niaka kappala'na ri tamparanga. Mingka lalang sijangji bawang sallona, natappela' ngasemmo sikontu apa-apanna!”

YEREMIA 51:26

Tena manna se're batu battu ri rumbangngannu lakkulle pole nipake untu' ambangung. La'jariko sangkamma parang lompo sa'genna satunggu-tungguna. INakke, Batara, anne akkana.”

YESAYA 23:13

Teai bansa Asyur, passangalinna bansa Babel allappassangi olo'-olo' sekkeka angkoasai Tirus. Iatommi ke'nanga ampaentengi sikamma menara untu' nipake antammulili balia, anruntungi sikamma benteng pattahanganna siagang ampa'jari rumbangangi anjo kotaya.)

YESAYA 21:9

Ciniki, anjomi ke'nanga! Pasukang a'jarang ta'rua-rua a'gimbara' battu. Nampa nakabarrammo anjo pajagaya angkana, “Runtummi Babel! Patung-patung napakalompoa ke'nanga ancuru'mi tassia'-siara' ri buttaya.”

YESAYA 14:23

LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

PAOLE 13:16

Sikontu barang-baranna pandudu'na anjo kotaya musti nipasse'rei siagang nitambungi ri paranga, nampa anjo kotaya siagang sikamma barang-baranna musti nitunui a'jari koro'bang mae ri Karaeng Allata'alanu. Le'baki anjo musti nibokoi a'jari ancuru' siagang takkulleai nibangung poleang.

YESAYA 17:3

Tenamo la'jari pajaga mae ri Israel nampa Damsyik latappela'mi kabebasanna. Tu Siria niaka ija tassesa la'jari hinai lalang tallasa'na sangkamma tu Israel. INakke, Batara Kaminang Makoasaya, anne le'ba' akkana kamma.”

AYUB 12:14

Apa le'baka Narumbang takkulleai nibangung poleang inai Natahang takkulleai bebasa' ammotere'.

YESAYA 23:11

Naangka'mi Batara limanNa irateanna tamparanga siagang Nagulummi sikamma kakaraenganga. Assaremi parenta sollanna niancuru' sikamma benteng pattahanganna Funisia.

YESAYA 26:5

Napakatunai Batara tau tampoa; Naancurukui kota pattahanganna ke'nanga, na Napasilappara' siagang buttaya.

YESAYA 27:10

Anjo kota niaka pattahanganna a'jari sinomi siagang nibokoimi rapang parang luara' tenaya bonena. Olo'-olo' piaraya anjorengi a'ruku' siagang ammari-mari; napila'busi sikamma leko'-leko' kayua battu ri tangke-tangkenna.

YESAYA 32:14

Ba'lalo balla' lompoa lanibokoi siagang ibukota suaraka la'jari sinoi. Buluka siagang sikamma menara tampa' pa'jaganga le'ba'mi nipasillappara' siagang butta sa'genna satunggu-tungguna. Sikamma keledai liaraka siagang gimbala' liaraka la'lemereki mange-mange a'ruku' anjoreng.

YESAYA 32:19

Tamaka mate'nena ngaseng nukasia' lanri ganna'na je'neka untu' lamung-lamunnu, olo'-olo' piaranu la'rukuki kemae-kemae siagang amang. Mingka musunnu lasanrapangi romang nitujua ri bosi batu; kotana ke'nanga laniruntungi.

YESAYA 34:13

Sikamma balla' rewatana siagang kota-kota niaka pattahanganna lanitimboi ri ruku' siagang rompo' katinting, nipammantangngi ri kongkong romang siagang jangang-jangang unta.

YESAYA 37:26

Tale'bakapi nulangngere' angkanaya yangasenna anjo apa le'baka kajariang apa le'ba' memammo Kurancana battu riolo? Nampa kamma-kamma anne iNakke anggaukangi. INakke assareko koasa untu' angngancuruki kota-kota niaka pattahanganna a'jari rumbangang.

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YESAYA 13:20

Manna sitau tania' ija lammantang anjoreng. Tena padete' tau Arab lampasangi kemana anjoreng ri tampaka, siagang tena pakalawaki langngerangi bembena siagang gimbala'na untu' a'ruku' anjoreng.

YESAYA 13:21

Anjo tampaka lanapammantangi olo'-olo' liara'. Kokoci' la'ru'mung ri balla'na ke'nanga, siagang jangang-jangang unta lammantang anjoreng. Bembe liara' la'lumpa'-lumpa' ri alla'na rumbanganga.

YESAYA 24:10

Kabusu'na kotaya ricu ngasemmi; sikontu pakke'bu' ballaka takkonci ngasengi lanri malla'na ngaseng bonena.