YESAYA 25:10 - KITTA' MATANGKASA'

¹⁰ LaNajagai Batara Bulu' Sion, mingka tembo' pattahanganna Moab lanaonjo'-onjokangi rapang rarame ri tampa' loroa.

YESAYA 25:10 Referans Kwoze

ZEFANYA 2:9

Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

YEREMIA 48:2

lanynya'mi nakalompoang pa'maika Moab. Naallemi musu Hesybon siagang anjorengi ke'nanga a'rancana untu' ampa'lanynya' kabusuki sikontu bansa Moab. Sikamma sa'raya ri kota Madmen lanipamari ngasengi, lanri anjo kotaya lanibunduki ri tantara.

YESAYA 25:6

Ri Bulu' Sion, lappasadiai Batara Kaminang Makoasaya parjamuang untu' sikontu bansaya ri lino. Appatalai kanre kaminang nyamanga siagang anggoro' nipilea.

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

YESAYA 26:6

Sikamma tu kasi-asia siagang tau pa'risika langngonjo'-onjokangi.”

YESAYA 18:4

Nakana Batara mae ri nakke, “Battu irate ri pammantangangKu, laccinikKa' naung siagang sannang na singara', kamma sannanna saliu' ri wattu bambanna bangngia lalang wattu pakkattoang, kamma singara'na alloa ri wattu singaraka.

YESAYA 14:19

mingka ikau tena jera'nu; maya'nu nipelaki sangkamma cu'la' nipelaka, nitambungi ri sikamma maya'na pejuang matea lalang bundu', siagang nipasambilaya siagang ke'nanga antama' ri kali'bong batua, rapang maya' nionjo'-onjokanga.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 11:14

Lassamai ke'nanga ambunduki tu Filistin ri bageang ilau' siagang anrampasaki bansa-bansa bageang irayaya. Lanapatunduki ke'nanga bansa Edom siagang Moab, siagang bansa Amon latundu' tongi mae ri ke'nanga.

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

YESAYA 10:31

Larimi pandudu'na Madmena siagang Gebim.

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

PAMMUJI 83:10

Gau' kammami ke'nanga tu Midian, sangkamma Sisera siagang Yabin ri Binanga Kisyon,

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

YESAYA 16:14

Na kamma-kamma anne Nakana Batara, “Ganna' tallun taung pole sallang, sikontu pakkalumanynyangngang nakalompoang pa'maika tu Moab lalanynya' kabusuki. Anjo ra'ya'na jaia, la'jari sike'de' mami siagang lammami.”

YEREMIA 48:1

Iaminne kananNa Batara Kaminang Koasaya, iamintu Allata'alana Israel, ri sesena Moab, nakana, “Cilakai pandudu'na Nebo, nasaba' runtummi kotana! Niallei Kiryataim, siagang benteng pattahanganna kassaka niancuru'mi, sa'genna siri'-siri' pandudu'na;

YEHEZKIEL 25:8

Nakana Batara Kaminang Tinggia, “Napaui Moab angkanaya anjo Yehuda sangkammai siagang bansa-bansa maraenga.

YESAYA 16:6

Nakanamo bansa Yehuda, “Nalangngere'mi ikambe antekamma kaborroanna bansa Moab. Naassengi ikambe angkanaya anjo ke'nanga tampoi siagang tinggi langgai. Bicaranna ke'nanga sangnging bicara kosong, tena bonena.”