YESAYA 24:3 - KITTA' MATANGKASA'

³ Tena nasilolongang buttaya siagang laniancuruki. Le'ba'mi a'bicara kamma Batara, namattantu lakajarianna anjo kammaya.

YESAYA 24:3 Referans Kwoze

YESAYA 24:1

LaNapanraki Batara linoa, sa'genna a'jari kalotoro' siagang sino. LaNabulintaki bageang ratena nampa napasimbung-simbung sikamma pandudu'na.

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

MIKHA 4:4

Tunggala' taua laamangi siagang salewangang lalang tallasa'na ri tangnga koko anggoro'na siagang koko poko' arana; tenamo lampakamallaki, iaminjo janjinNa Batara Kaminang Koasaya.

YESAYA 22:25

Punna kajariang anjo kammaya, anjo paku nipasang jarreka lata'lappasaki nampa tu'guru'. Nampa ia tomminjo kala'busanna sikamma bija pammanakanna siagang sikamma tau a'dingkolenga mae ri ia. INakke, Batara, anne le'ba' akkana kamma.”

YESAYA 21:17

Sikamma tau papanana Kedar sangnging tau barani. Mingka sike'de'ji battu ri ke'nanga lasalama'. INakke, Karaeng, Allata'alana Israel, anne le'ba' akkana.”

2 PATTOTTORANG 36:21

Kammami anjo na'rupamo apa Napaua Batara tete ri Na'bi Yeremia, angkanaya anjo pa'rasanganga la'jari kalotoroki sallang 70 taung sallona, salaku sambenna taung-taung allo Pammari-mariang tenaya nijampangi.

PAOLE 29:28

A'lappo' hebaki larroNa Batara, siagang lalang larro lompoNa anjo Nabi'bu'mi bansa Israel battu ri buttana ke'nanga nampa Napasambila ke'nanga mange ri pa'rasanganna bansa maraenga. Iaminjo saba'na nania' ke'nanga anjoreng.’

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

YEREMIA 13:15

Umma' Israel, le'ba'mi a'bicara Batara! Teako tampoi, mappilangngeri mako ri Ia!

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YESAYA 24:2

Sikontu taua nakasia' ngasengi sare sangkammaya: imang-imanga siagang ra'yaka, ata niballia siagang pinggawaya, pabaluka siagang tummallia, tau appappinranga siagang tau angnginranga, kalumanynyanga siagang kasi-asia.

YESAYA 24:4

La'jari kalotoroki siagang kalumengi buttaya, sikontu linoa lata'ronangi. Langika siagang buttaya para lata'ronangi.

MIKHA 2:4

Sarennu lanipakei ri taua a'jari piandere', siagang lappareki ke'nanga kelong-kelong kasusaang kammaya anne, ‘Naallemi Batara anne pa'rasanganna ikambe siagang Napassareang mae ri tau antahangai ikambe. Ancuru' taba sikalimi ikambe.’ ”

YESAYA 42:22

Mingka la'busu'mi niella' anjo bansaya; nitahangi ke'nanga lalang ri kamara'-kamara' rawa butta, nitongkoki lalang ri sikamma tarungkua. A'jari tuniella'mi ke'nanga, natena battu antulungi.