YESAYA 24:18 - KITTA' MATANGKASA'

¹⁸ Tau laria battu ri anjo kagegeranga latu'guruki antama' ri sikko' tattannanga, na tau ta'lappasaka battu ri sikkoka laniallei ri tado'. Bosi lompoa latattumpai battu rate ri langika, nampa dapara'na buttaya lata'goccangi.

YESAYA 24:18 Referans Kwoze

PAMMUJI 18:7

Makkioka' ri Batara lalang ri kasukkarangku, makkioka' ri Allata'alaku appala' pannulung. Battu ri Balla'na Nalangngereki sa'rangku na Naparhatikang pakkiokku.

PA'JARIANG 7:11

Ri wattunna 600 taung umuru'na Nuh, ri tanggala' sampulo antuju bulang rua, tassungke ngasemmi timbuseng je'neka irawanganna buttaya. Sikontu pakke'bu' je'neka ri langika tassungke ngasemmi,

AMOS 5:19

Kaadaanna rapangi tau laria battu ampilari singaya, nampa assibuntulu' siagang beruang. Yareka kontui tau ammotereka mae ri balla' nappatungkulu' siagang limanna mae ri temboka nampa nipitto' ri ulara'!

PAMMUJI 18:15

Napabuccuki ana'-ana' panaNa nampa Napasimbung sikamma musua; Napasisambung-sambummi Napakila' kila'Na, sa'genna lari ngaseng ke'nanga.

AYUB 20:24

Punna lari alliliangi pa'dang bajaya, lanibokkaki ri pana tambaga.

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

KATO'BA 9:12

Takkulleai naasseng rupataua ringngapanna nabattu wattunna. Sanrapang jangang-jangang naalle sikko' siagang juku' naalle jala, kamma tomminjo rupataua natuju bala, ri wattu tenaya nasanna-sannai.

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

YESAYA 8:14

Lanri sanna'na tangkasakKu, iNakke la'jari batu natatto'roi ra'ya' Yehuda siagang Israel, siagang sikko' angngalleai pandudu'na Yerusalem.

YESAYA 13:13

LaKupannekkereki langika siagang lata'ge'gosoki buttaya battu ri tampa'na ri wattunna Kupappicinikang larroKu, Batara Kaminang Makoasaya.

YESAYA 42:22

Mingka la'busu'mi niella' anjo bansaya; nitahangi ke'nanga lalang ri kamara'-kamara' rawa butta, nitongkoki lalang ri sikamma tarungkua. A'jari tuniella'mi ke'nanga, natena battu antulungi.

YEREMIA 48:43

Lanipassidallekangi ke'nanga siagang pammunoang, kali'bong, siagang sikko'.

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

PIRAUNG 3:47

nitujui ikambe ri bala siagang kaancurang, nia'mi kambe ilalang ri bahaya siagang kamallakkang.

YEHEZKIEL 11:8

Mallakko ri pa'dang? LappabattuA' tau angngerang pa'dang untu' ambundukiko.

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

PAMMUJI 18:8

Nampa ta'goccang siagang amme'bere'mo linoa, ta'lenggami siagang annekkere'mi bangkeng monconga napakamma larroNa Allata'ala.

AMOS 5:18

Tojeng, cilaka ngaseng mako tau nakkuka ri AllonNa Batara! Apa matu-matunna anjo alloa mae ri kau? Anjo alloa poro allo sassanji bawang, teai allo singara' mae ri kau.