YESAYA 24:17 - KITTA' MATANGKASA'

¹⁷ Pilangngeri, he sikontu pandudu'na buttaya! Kagegerang, tado' siagang sikko', niaki antayangko.

YESAYA 24:17 Referans Kwoze

AMOS 5:19

Kaadaanna rapangi tau laria battu ampilari singaya, nampa assibuntulu' siagang beruang. Yareka kontui tau ammotereka mae ri balla' nappatungkulu' siagang limanna mae ri temboka nampa nipitto' ri ulara'!

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEREMIA 8:3

Na sikamma tau attallasaka ija battu ri anne bansa ja'dalaka, le'baka Kupasiara' mange-mange, lala'bi erokangngangi matea kala attallasaka. INakke, Batara Kaminang Koasaya, anne akkana.”

1 KARAENG-KARAENG 19:17

Inai-nai tena nibunoi ri Hazael, lanibunoi ri Yehu. Siagang inai ta'lappasa' ri Yehu lanibunoi ri Elisa.

AYUB 18:8

A'jappai lalang sikko', takkai'mi bangkenna.

YESAYA 8:14

Lanri sanna'na tangkasakKu, iNakke la'jari batu natatto'roi ra'ya' Yehuda siagang Israel, siagang sikko' angngalleai pandudu'na Yerusalem.

YEREMIA 11:11

Lanri kammana anjo, iNakke, Batara, Kupappakaingakkangi angkanaya lappaturungA' bala mae ri ke'nanga, siagang takkulleai ke'nanga alliliangi. Punna akkio' ke'nanga appala' tulung ri Nakke, teA' ampilangngeri.

PIRAUNG 2:22

Kikioki musu-musu nakamallakkanga ikambe untu' assua'-suara' ja'dala' ri tammulilina ikambe. Nabuno kabusuki ke'nanga sikontu le'baka naparakai siagang nasayanga ikambe. Ri wattu larroTa, tena manna sitau akkulle lari.

PIRAUNG 3:47

nitujui ikambe ri bala siagang kaancurang, nia'mi kambe ilalang ri bahaya siagang kamallakkang.

YEHEZKIEL 11:8

Mallakko ri pa'dang? LappabattuA' tau angngerang pa'dang untu' ambundukiko.

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.