YESAYA 24:16 - KITTA' MATANGKASA'

¹⁶ Battu ri cappa'na buttaya lania' kalangngerang sa'ra kelong pammuji mae ri Israel, bansa mannurukia. Mingka inakke cilakama'! Inakke ta'ronanga'! Tau a'bali' ballanga tuli nagaukanna a'gau' bali' ballanga.

YESAYA 24:16 Referans Kwoze

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YEREMIA 5:11

Nabaliang tojeng-tojemMa' umma' Israel siagang Yehuda. INakke, Batara, anne akkana.”

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

YEREMIA 3:20

Mingka rapang baine tenaya namajarre' pa'mai'na, sangkamma tomminjo tena namajarre' pa'mai'nu mae ri Nakke. INakke, Batara, anne a'bicara.”

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

LAMPA-LAMPANA 13:47

Nasaba' iaminne parentaNa Batara mae ri kambe; Nakana Batara, ‘Kupa'jari mako singara' mae ri bansa-bansa maraenga, teaiya tu Yahudi, sollanna nupabattu kasalamakkang mae ri sikontu linoa.’ ”

MARKUS 13:27

LaNasuromi malaeka'-malaeka'Na ampa'rappungangi umma'Na Napilea battu ri sikontu linoa, battu raya sa'genna kalau', kammayatompa battu timboro' sa'genna wara'.”

HABAKUK 1:3

Angngapa Kicini'-cinikia' anciniki kaja'dallang kammaya anjo jaina? Angngapa naKiattahang kamma anciniki gau' sala oloang kammaya jaina? Kemae-kemae nia' nicini' kaancurang siagang katerassang, passiba'jiang, siagang passisala-salang.

MIKHA 5:4

siagang lassarei kaamangngang. Punna battu tantara Asyur ambunduki pa'rasanganta siagang nalappo pattahanganta, lanipagio' kabusuki sikamma pamimpinta kassaka untu' ambunduki ke'nanga. Lanibetai tu Asyur ri pamimping-pamimpinta lanri kagassingang sanjata, nanipasalamakki' battu ri limanna ke'nanga.

HOSEA 6:7

Mingka sangkamma Adam, nudakkai janjinnu mae ri Nakke.

HOSEA 5:7

Tena namajarre' ke'nanga mae ri Batara; ana'-ana'na ke'nanga teaimi ana'-ana'na. Lanri kammana anjo, tenamo nasallo nalanipanraki ke'nanga siagang koko-kokonna ke'nanga.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

YESAYA 48:8

Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.

YESAYA 28:5

Batara Kaminang Makoasaya la'jari rapang bunga ga'ga mae ri umma'Na tassesaya.

YESAYA 26:15

Le'ba'mi Kipa'lappi-lappi jaina ummatTa, o Batara, Kipa'jari luara' daerana ikambe, lanri kammana anjo iKattemi nipakala'biri'.

YESAYA 17:4

Nakana Batara, “Nia' wattunna sallang, nalalanynya' kalompoanna siagang kacopponganna tu Israel.

YESAYA 10:16

Lanri tu Asyur napattampoangi kalenna, laNapabattui Batara Kaminang Makoasaya garringa, untu' anghukkungi sikamma perwira porena ke'nanga. Ia ke'nanga lanatabai rammusu' lompo, rapang pepe' akkanrea tulusu' ambambangi ke'nanga.

PAMMUJI 106:15

Nasarei apa napalaka ke'nanga, mingka Napitujui tongi ke'nanga garring.

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

PAMMUJI 67:7

Angngerammi wassele' buttaya, Allata'ala, le'ba' maki' Nabarakkaki Allata'alata.

PAMMUJI 58:10

Ri tenanapa nangngu'rangi, naposso'mo ke'nanga, sanrapang rompo' moncongbulo iji na tenapa nalompo mingka la'busu'mi niri'bakang ri anging, sanrapang lamung-lamung kalotoro'.

PAMMUJI 2:8

Palaki, naKupassareang sikontu bansaya ri kau, sikontu buttaya Kupa'jari ikau pata.

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

KAIMANGNGANG 26:39

Naia niaka sike'de' ammantang tassesa battu ri kau, attallasaka ri pa'rasanganna musunnu, lata'ronang-ronangi lanri dosa kalenna siagang dosana boe-boena.

PAMMUJI 65:8

Kipakasannangi arrunna tamparanga siagang jallo'na bombanga, na Kipakasannang kagegeranna bansa-bansaya.

PAMMUJI 119:158

Birisika' anciniki anjo sikamma tau ta'gilinga a'jari bali, lanri tena naturuki ajaranTa.

YESAYA 11:12

Lappanaiki Batara se're bandera untu' bansa-bansaya. Iaminjo pammatei angkanaya laNapasse'rei ammotere' bansa Israel siagang Yehuda ia tassiaraka mae ri sikontu buttaya, nampa naerang ke'nanga ammotere'.

YESAYA 42:10

Akkelongko kelong beru mae ri Batara, pujimi Batara, he sikontu linoa! Ammarrung mako, he tamparanga siagang sikontu bonena, sikamma pa'rasangang bellaya siagang sikontu pandudu'na!

HABAKUK 1:13

Mingka antekamma bateTa akkulle attahang anciniki tau ja'dala' palla' kammaya anjo? Sai iKatte sanna' matangkasatTa untu' anciniki kaja'dallanga? Sai iKatte lanreki anciniki gau' tenaya naadele'? Jari, angngapa natena apa-apa Kikana ri wattunna niancuru' tau bajika ri tau dorakaya?

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”