YESAYA 24:11 - KITTA' MATANGKASA'

¹¹ Lakkio'-kioki taua ri agang-aganga lanri kala'busangi ri je'ne' anggoro'. Tenamo karannuang ri anjo pa'rasanganga sa'genna satunggu-tungguna.

YESAYA 24:11 Referans Kwoze

HOSEA 7:14

Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

LUKAS 16:25

Mingka appialimi Abraham nakana, ‘U'rangi ana' angkanaya: lalang sikontu tallasa'nu le'ba'mi kau nugappa siagang nukasia' sikontu apa-apa bajika; mingka Lazarus sangnging apa-apa kodia bawang le'ba' nagappa. Kamma-kamma anne nakasia' tommi Lazarus te'nea anrinni, na ikau nukasia' tommi sessaya.

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

YEREMIA 48:33

Sa'ra-sa'ra karannuanga lanynya'mi battu ri Moab, pa'rasangang copponga. Kupamari assolong je'ne' anggoroka battu ri pakkakasa' pammaccokanna; tenamo tau appare' anggoro' siagang a'rannu-rannu.

YESAYA 32:13

saba' buttana bansaku nitimboi ri rompo' siagang katinting. Iyo, karrukimi sikamma balla'nu nupattampakia assannang-sannang siagang kota rassia kasuarrang!

YESAYA 16:10

Tena manna sitau rannu ri sikamma anjo koko copponga. Tenamo manna sitau akkio' rannu yareka akkelong-kelong ri koko anggoroka. Tena tau ammacco' anggoro' untu' appare' je'ne' anggoro'. Kupammarimi kio' rannuna ke'nanga.

YESAYA 9:19

Ri sikontu anjo pa'rasanganga massing a're'bu'mi siagang sambarang mami apa-apa nakanre, mingka tena bassoro'na ke'nanga. Ba'lalo massing para iami sikanre-kanre sipa'agangngang!

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

PANGNGEBARANG 31:6

Inungang terasaka iami untu' tau ta'ronanga siagang tau si'naya pa'mai'na.

PAMMUJI 144:14

Poro sikamma sapita pila' katambangi natena tappela' yareka mate ammana'. Poro tena kalangngerang sa'ra tau pa'risi' ri sikamma oloanga ri kotata.

YEREMIA 14:2

“Si'nai pa'mai'na Yehuda a'birimmi kamma mate kota-kotana. Anra'bami naung taunna ri buttaya nakkunrareng. Ammuriciki Yerusalem appala' tulung.

YEREMIA 46:12

Katallassannu appakasirika, niassemmi ri bansa-bansaya. Sa'ra ammarrannu nilangngere'mi ri sikontu linoa. Tantara se'rea tatto'roi ri tantara maraenga; para tu'guruki ke'nanga ta'bentang naung ri buttaya.

YO"EL 1:12

Poko' rappo-rappoa ri paranga a'jari kalotoro' ngasemmi; poko' anggoro', appele', ara, koro'ma siagang delima. Na tarannuamo pa'mai'na ra'yaka.

YESAYA 32:10

Kamma-kamma anne akkulleko amang pakkasia'nu, mingka sitaung labattua latappu' minasako, lanri tanjariai rappo anggoroka, kammayatompa wassele' lamung-lamung maraenga tena todong.