YESAYA 23:5 - KITTA' MATANGKASA'

⁵ Ba'lalo manna tau Mesirka lata'bangka tongi siagang a'jari gegereki punna nalangngereki angkana le'ba'mi niancuru' Tirus.

YESAYA 23:5 Referans Kwoze

YEHEZKIEL 28:19

Ikau lanynya' mako untu' satunggu-tungguna. Sikontu bansa angngassengiako a'jari annekkere' kabusuki napakamma malla' langkasia' tongi sare kammaya anjo.”

YESAYA 19:16

Nia' sallang se're wattu nala'jari pa'malla'-mallakkang siagang ballorang tu Mesir sangkamma tubaine. Annekkereki napakamma malla' punna nacini' Batara Kaminang Makoasaya ampaentengi limanNa untu' anghukkungi ke'nanga.

YEREMIA 47:4

Narapi'mi wattunna bansa Filistin nipanraki kabusu', sa'genna tenamo nanggappa bantuang Tirus siagang Sidon. INakke, Batara, ampanraki kabusuki sikontu tu Filistin niaka tassesa battu ri Kreta.

YEHEZKIEL 30:9

Punna narapi' anjo alloa, nampa ancuru'mo Mesir, laKukiringi sikamma suroKu siagang kappala' jai untu' ampata'bangkai tu Sudan tenaya bata-batana, sa'genna a'jari malla'mo ke'nanga. Tojeng, anjo allo kammaya lanarapiki wattunna labattu!”