YESAYA 22:4 - KITTA' MATANGKASA'

⁴ Teako nakke nuparhatikang; boli'ma' kamma nakukarruki sikamma bansaku mateamo. Teako cobai ansaleoria'.

YESAYA 22:4 Referans Kwoze

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

MATIUS 2:18

“Nia' sa'ra karru' kalangngerang ri Rama Kunrareng siagang piraung Rahel angkarruki ana'-ana'na; na taeroka nisaleori lanri taena ngasemmi ana'na.”

MIKHA 1:8

Lanri kammana anjo, inakke, Mikha, si'nai pa'maikku siagang akkunrarenga'. La'jappa' natena kummakeang siagang tena kummake pa'lapa' bangkeng untu' ampappicinikangi angkanaya antekamma si'nana pa'maikku. Lappilollonga' rapang kongkong romang siagang lammarranga' rapang unta.

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

PAMMUJI 77:2

Assa'ra lompoa' akkio' mae ri Allata'ala; assa'ra lompoa' akkio', na napilangngeria'.

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

LUKAS 1:2

Sikamma apa le'baka nicarita mae ri katte, battu ri tau le'baka anciniki anjo kajarianga battu ri pakkaramulanna, yangaseng minjo natulisi' ke'nanga, nampa napa'la'bang kabara'na.

MATIUS 26:75

Nau'rangimi Petrus le'baka Napau Isa ri ia angkanaya, “Ri tenanapa nattingkoko janganga na pintallumMa' nusassali.” Assulukammi Petrus angngarru', si'na pa'mai'na.

YEREMIA 8:18

Rapangi nie'ba' atingku na pacce, susa tena balleanna.

YEREMIA 6:26

Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

YESAYA 33:7

Tau gammaraka siagang barania ammarrangi appala' tulung; sikamma tau nisuroa mange a'boya passiamakkang angngarruki napakamma si'na.

YESAYA 15:3

Sikamma tau niaka ri aganga ammakeang karungi pammatei susana; appiraungi siagang angngarruki taua ri paranga siagang ri pattongko'na ballaka.

YEREMIA 9:18

Nakana tu Yehuda, “Suroi ke'nanga akkelong linta' kelong-kelong susaya untu' ikatte ngaseng, sollanna assolong-solong je'ne' matanta ambasai pilisitta.”

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

YEHEZKIEL 27:31

Lanri ikau nanagondolo' ulunna ke'nanga, ammake kaeng karung susa dudu. Angngarruki ke'nanga pacce nyawana angkarruki sarennu.

ESTER 4:1

Nalangngere'na Mordekhai anjo apa kajarianga, nakekke'mi pakeanna, nampa ammake kaeng karung, a'jari pammatei angkana si'nai. Nakiorimi au ulunna, nampa a'jappa ri kotaya angngarru' lompo appakadinging-dinging pa'mai'.

YEHEZKIEL 21:11

Anjo pa'danga tuli nikantisiki sollanna tuli sadia nipake nampa nipassareang mae ri sitau pabuno tau.