YESAYA 22:14 - KITTA' MATANGKASA'

¹⁴ Napa'nyatai KalenNa Batara Kaminang Tinggia siagang Kaminang Makoasaya mae ri nakke, na nakana, “Tojeng, anjo kaja'dallanna ke'nanga tena nalaKupammopporang sa'genna mate ke'nanga. INakke, Batara, anne le'ba' akkana kamma.”

YESAYA 22:14 Referans Kwoze

YEHEZKIEL 24:13

He Yerusalem, anjo panggaukang-panggaukang kodinu nara'massimi kalennu. Kucobami antangkasiko, mingka tena matu-matunna, lanri tuli ra'masa'nu. Tena nulatangkasa' ammotere' sa'genna ammari pangngalarroingKu mae ri kau.

YESAYA 5:9

Kulangngereki Batara Kaminang Makoasaya assumpa angkana, “Anne sikamma balla' lompoa siagang ga'gaya lakosong ngasengi tena bonena.

1 SAMUEL 3:14

Lanri kammana, assumpA' mae ri kaluargana Eli, angkanaya anjo dosana ke'nanga sannaka lompona, takkulleai nitangkasi siagang koro'bang apa-apa mamo sa'genna satunggu-tungguna.”

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

YESAYA 30:13

Lanri kammana anjo sala ngaseng mako. Rapangko tembo' tinggi a'lattaya battu rate sa'genna naung; larumbang silalonnako.

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

YESAYA 13:11

Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.

1 SAMUEL 9:15

Siallo rioloanganna anjo, Appasammi Batara ri Samuel angkana,

YESAYA 31:2

Cara'deki Batara siagang Naassengi apa Nagaukanga. Appabattui bala siagang angngancangi laNahukkung tau ja'dalaka siagang tau antulungai anjo tau ja'dalaka.

YESAYA 65:7

lanri dosana ke'nanga siagang dosana boe-boena ke'nanga. NahinA' ke'nanga lanri attunui kamanynyang untu' rewata-rewataya ri tampa' panynyombanna ke'nanga irate ri bulu'. LaKubalasaki situru' siagang panggaukanna ke'nanga ri wattu allaloa.”

YESAYA 65:20

Tenamo ana'-ana'na lamate ca'di, na tau toaya lala'bui umuru'na. Tau sibilangngang taung umuru'na lanikanai tau rungka, na matea rioloanganna anjo lanikanai nataba hukkungangKu.

2 SAMUEL 6:23

Anjo Mikhal, ana' bainena Saul tena ana'na lalang tallasa'na.

AMOS 8:7

Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.