YESAYA 22:11 - KITTA' MATANGKASA'

¹¹ appare' mako kollang lalang ri kotaya nampa nupasse're je'ne' battua ri kollang salloa. Mingka tena ngaseng nuparhatikangi Allata'ala, Ia salloamo le'ba' anrancanakang ngasengi sikammaya anjo, siagang a'jaria passabakkang nakajariang anjo kammaya.

YESAYA 22:11 Referans Kwoze

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YESAYA 17:7

Anjo wattua sallang, lammotere'mi taua mange appala' tulung ri Mappa'jarina, iamintu Allata'ala matangkasa'na Israel.

2 KARAENG-KARAENG 25:4

nirumbammi tembo'na kotaya ri musua. Anjo bangngia, manna pole sitabangi nikurung anjo kotaya ri tu Babel, lari kabusu'mi tantara Yehuda mange ri Lappara'na Yordan. Anjorengi ammalo ke'nanga ri koko balla' karaenga, nampa assulu' battu ri pakke'bu' lompo ampasisambungai anjo ruaya tembo' ri anjo tampaka.

YEREMIA 39:4

Ri wattunna Karaeng Zedekia siagang sikontu tantarana naciniki anjo sikontu apa kajarianga, ero'mi ke'nanga lari mange ri Lappara'na Yordan ia memang anjo bangngia. Anjorengi ke'nanga ri koko balla' karaenga angngalle oloang, nampa assulu' battu ri pakke'bu' lompo ampasisambungai ruaya tembo' ri anjo tampaka.

YESAYA 37:26

Tale'bakapi nulangngere' angkanaya yangasenna anjo apa le'baka kajariang apa le'ba' memammo Kurancana battu riolo? Nampa kamma-kamma anne iNakke anggaukangi. INakke assareko koasa untu' angngancuruki kota-kota niaka pattahanganna a'jari rumbangang.

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

2 KARAENG-KARAENG 20:20

Pau-pau maraengannaya ri passala'na Karaeng Hizkia, ri passala'na jasa-jasa kabaranianna, siagang antekamma batena appare' kollang siagang solongang je'ne' untu' ampa'lo'loroki je'neka mange ri kotaya, yangasenna niaki nicata' lalang ri kitta' “Riwaya'na sikamma karaeng Yehuda.”

YESAYA 7:3

Nakanamo Batara ri Yesaya, “Erangi ana'nu Syear Yasyub nampa a'lampako mange angngagangi sicini' Karaeng Ahas. Lanugappai antu ri cappa' solongang kollang bageang rateang, tampa'na sikamma pasassaya anjama.