YESAYA 21:4 - KITTA' MATANGKASA'

⁴ Lussaki pa'maikku; annekkerekka' napakamma malla'. Poro malla'ji naerang battu bangngi kuminasaia.

YESAYA 21:4 Referans Kwoze

NAHUM 1:10

Lanitunuko rapang rarame kalotoro' kontu rompo' akkatinting sikalasaka.

DANIEL 5:5

Ti'ring nia'mo kacinikang lima tau annulisi' apa-apa ri rinring balla' karaenga, ri tampa' kaminang singaraka nataba singara' lampu, sa'genna karaenga akkullei nacini' baji'.

DANIEL 5:1

Ri se'reang allo Karaeng Belsyazar angngundangi sisa'bu tumalompo untu' anghaderi passua'-suarrang lompona, siagang angnginung-nginung anggoro'.

YEREMIA 51:57

LaKupa'jari nasa'ringi sikamma pagawena Babel – sikamma tau cara'de'na, sikamma pamimpinna siagang tantarana. Tenamo nalambangung-bangung ke'nanga ammotere', attinromi sa'genna satunggu-tungguna. INakkemi le'ba' a'bicara; iNakkemi Karaeng, iNakke Batara Kaminang Koasaya.

YEREMIA 51:39

Ri wattu cinna duduna ke'nanga angnganre, laKupasadiangi ke'nanga kanre, siagang laKupa'jari nasa'ringi ke'nanga sa'genna dangngala' ulunna nampa attinro natambangungamo poleang.

ESTER 5:12

Nakanamo pole, “Ba'lalo manna Ratu Ester, inakkeji bawang siagang karaenga naundang mange ri parjamuang napareka untu' ikambe. Nampa naundang maki' pole untu' ammuko ri bangngia.

PAOLE 28:67

Manna poro apa-apa mamo nucini' a'dumba'-dumba'ji barambannu napakamma malla'. Punna bari'basaki nukellai sollanna linta' bangngi, nampa punna bangngi nukellai sollanna linta' bari'basa'.

DANIEL 5:30

Anjo memang bangngia nibuno memammi anjo Belsyazar karaeng Babel.

PAOLE 32:11

Rapang balangkoa' angngajaraki ana'na anri'ba', anjakkalaki ri ka'nyi' ta'rangka'na,

PAMMUJI 55:5

Sanna' lussa'na pa'maikku, nipakamallaka' ri karama'na kamateanga.

1 KARAENG-KARAENG 1:49

Sikamma toananna Adonia a'jari malla' ngasemmi, sa'genna ammenteng ngasemmo ke'nanga nampa a'lampa, massing a'boya oloang kalenna.

PAMMUJI 55:6

Nikalimbukia' ri kamallakkang siagang pannekkerang, nijallakkanga' ri pakkasia' malla' dudua.

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.