YESAYA 21:15 - KITTA' MATANGKASA'

¹⁵ Nasaba' nalariangi kalenna ampilari pa'dang ta'bi'buka, battu ri ana' pana nipalio-lioa, siagang battu ri pa'bundukang hebaka.

YESAYA 21:15 Referans Kwoze

YESAYA 13:14

Bansa maraeng ammantanga ri Babel lasisa'la'-sa'laki siagang massing lari mange ri pa'rasanganna. Rapangi ke'nanga jonga lari battu ri pammuranga, yareka rapang gimbala' tenayamo pakalawakinna.

YESAYA 13:15

Inai-nai nijakkala' lanitoboki sa'genna mate.

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YESAYA 22:3

Sikontu panglima tantaranu lari ngasengi siagang tenapa nalappassangi panana napatemba' na nitahang memammo ke'nanga. Sikontu tau kassa'nu nitahang ngasengi manna pole nabellamo larina.

YESAYA 31:8

Laniancuruki Asyur lalang pa'bundukang, mingka teai lanri kagassinganna rupataua. Lalari tu Asyur battu ri tampa' pa'bundukanga, nampa lanipa'jari ata ngaseng sikamma tau rungkana ke'nanga.

YESAYA 33:3

Punna ammentengKi' naKipappilangngerang sa'ranTa a'gamarrunga, ma'nassa lalari bansa-bansaya tassimbung-simbung.