YESAYA 21:10 - KITTA' MATANGKASA'

¹⁰ He bansaku Israel! Le'ba' mako nilissarrang siagang nionjo'-onjokang rapang lisere'-lisere' gandung. Kamma-kamma anne kupabattuangko kabara' baji', ia kulangngereka battu ri Batara Kaminang Makoasaya, Allata'alana Israel.

YESAYA 21:10 Referans Kwoze

YEREMIA 51:33

Tasalloami nanibeta ke'nanga siagang nionjo'-onjokang ri musua rapang gandung ri tampa' panggilinganga. INakke, Batara Kaminang Koasaya, iamintu Allata'alana Israel, anne akkana.”

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

2 KARAENG-KARAENG 13:7

Le'ba'mi niancuru' tantarana tu Israel ri karaeng Siria sa'genna ia niaka nakammai Yoahas iamintu 50 tantara a'jarang, 10 kareta bundu', siagang 10.000 tantara.

HABAKUK 3:12

Lalang larroTa naKijappai sikontu buttaya; bambang nyawaTa angngonjo'-onjokangi bansa-bansaya.

1 KARAENG-KARAENG 22:14

Mingka appialimi Mikha angkana, “Lanri Batara mattallasaka, iaji bawang lakupau apa le'baka Nakanang Batara mae ri nakke!”

YEHEZKIEL 40:4

Nakana anjo tau bura'nea ri nakke, “He tau, pilangngeri baji'-baji' siagang parhatikangi sikontu apa kupappicinikanga mae ri kau, nasaba' lanri kammanami anjo nanierangko mae anrinni. Pauangi bansa Israel sikontu anjo apa nucinika.”

YESAYA 28:28

Ri wattunna nalessoro' anjo gandunga, tena napatunrung tulusu'na sa'genna ancuru'. Tena! Naassengi antekamma carana allessoroki siagang baji'; a'dongkoki rate ri karobaya natenaja naancuru' lisere'na anjo gandunga.

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

AMOS 3:8

Punna ammammu' singaya, inaimo tena namalla'? Punna a'bicara Batara Kaminang Tinggia, inaimo akkulle ammakkang siagang taeroka ampa'la'bangi pasanNa?