YESAYA 21:1 - KITTA' MATANGKASA'

¹ Iaminne pappasang ri passala'na Babel: Rapang anging puttusu' ammarrunga allalo ri parang lompoa, kammaminjo kabattuanna bala lompoa battu ri pa'rasangang hebaka.

YESAYA 21:1 Referans Kwoze

YESAYA 14:23

LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

YEREMIA 51:42

Je'ne' tamparanga allumpai nai' ri Babel; bombanga ammarrungi antujui anjo pa'rasanganga.

YESAYA 13:1

Iaminne pappasanNa Allata'ala, natarimaya Yesaya ana'na Amos ri passala'na Babel:

ZAKHARIA 9:14

LaNapappicinikangi KalenNa Batara mae ri umma'Na, sanrapangi kila' nipabuccu' ana'-ana' panaNa. Batara Kaminang Tinggia lappasa'ra' tarompe' pammatei maju a'bundu', nampa a'jappa maju lalang anging barubu battu timboro'.

YESAYA 17:1

Nakana Batara, “Tenamo nala'jari kota anjo Damsyik, mingka la'jari pannambungang loro mami.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

YEHEZKIEL 31:12

Anjo tantara bansa maraeng tenaya nangngasseng appamopporang lanata'bangi anjo poko'ka nampa nabalang parekang. Tangkenna anjo tepokamo tu'gu'-tu'guru' ngasemmi ri sikontu buluka siagang ka'bunga ri anjo pa'rasanganga. Sikontu bansa niaka irawa kakoasanna la'lampa ngasengi ambokoi.

YEHEZKIEL 30:11

Nebukadnezar siagang tantarana tenaya nangngasseng appamopporang labattui nampa naancuru' anjo buttaya. Lanabunduki ke'nanga Mesir siagang pa'dang, siagang latassiaraki mayaka ri anjo pa'rasanganga.

AYUB 37:9

Battu timboroki anging puttusuka battu waraki dinging sanna' dudua.

YESAYA 5:28

Ciduki ana' panana na sadiamo anrong panana ero' appabuccu'. Kanuku jaranna kamma batu pepe' terasa'na, siagang roda karetana tapputaraki rapang anging puttusu'.

YEHEZKIEL 1:4

Acconga' nai', nakucini'mo angnging lompoa ammiri' battu wara'. Kuciniki kilaka a'lepa'-lepa' battu ri sigompoang rammang ia sannaka lompona; nampa langika ri tammulilina teai sipato' singara'na. Lalang ri anjo kila' a'lepa'-lepaka nia' kucini' apa-apa accila'-cilla' sangkamma tambaga.

YEHEZKIEL 38:9

Ia siagang tantarana siagang jaia bansa anrurungangi labattui ambunduki, rapang anging lompo battua ambunduki siagang rapang rammang antongkoki sikontu anjo pa'rasanganga.”

YESAYA 13:13

LaKupannekkereki langika siagang lata'ge'gosoki buttaya battu ri tampa'na ri wattunna Kupappicinikang larroKu, Batara Kaminang Makoasaya.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 14:14

Nukana, angkana ikau lanaikko ri rammang tinggia nu'jari sangkamma Kaminang Tinggia.

YESAYA 47:1

Nakana Batara, “He Babel, naungko battu ri empoang kala'birannu, siagang ammempo mako rate ri limbu'buka. Tenamo nulale siagang kanang-kanang kamma riolo.

YEREMIA 51:1

Nakana Batara, “LappabattuA' anging pammanraki, ammirika mae ri Babel siagang mae ri pandudu'na.

YEREMIA 51:51

Nukana, ‘Nihinai siagang nipakasiriki ikambe; tappela'mi siri'na ikambe lanri bansa maraenga ampammantangngi kamara'-kamara' tangkasaka ri Balla'Na Batara.’