YESAYA 20:2 - KITTA' MATANGKASA'

² Tallun taung allaloa, Nisuroi Yesaya ana'na Amos ri Batara sollanna napasulu' pa'lapa' bangkenna siagang kaeng karung niaka napake. Mannurukimi nampa a'jappa assolara' siagang tena nammake pa'lapa' bangkeng.

YESAYA 20:2 Referans Kwoze

MATIUS 3:4

Anjo Yohanes bulu unta pakeanna. Kukkulu' passikko' aya'na, na katimbang siagang bani romang napare' kanre.

MIKHA 1:8

Lanri kammana anjo, inakke, Mikha, si'nai pa'maikku siagang akkunrarenga'. La'jappa' natena kummakeang siagang tena kummake pa'lapa' bangkeng untu' ampappicinikangi angkanaya antekamma si'nana pa'maikku. Lappilollonga' rapang kongkong romang siagang lammarranga' rapang unta.

1 SAMUEL 19:24

Battui mange anjoreng, napasulu'mi pakeanna nampa a'joge'-joge' siagang akkiok-kio' ri dallekanna Samuel, nampa anra'ba naung ri buttaya assolara' sila'busu' allo siagang bangngi. (Iaminne assala'na paruntu' kana angkanaya, “Apaka a'jari na'bi tongi Saul?”)

ZAKHARIA 13:4

Ri anjo alloa, sikamma na'bia lasiriki untu' anggaukangi gau' na'bia. Tena nalammake na'bi ke'nanga untu' annipu siagang ampattampoangi sikamma paccini'na.

YEHEZKIEL 24:23

Tena nula'jappa nutammakea soro'bang yareka pa'lapa' bangkeng, tena nuppiraung siagang angngarru'. Pila' lata'ronangi tallasa'nu lanri dosa-dosanu; lakkunrarengko mae ri massing para ikau.

YEHEZKIEL 24:17

Gassingka kalangngerangi anjo karru'nu. Teako a'jappai natena nummake soro'bang, yareka tena nummake pa'lapa' bangkeng, kamma tau kamateanga. Tea tongko bongongi rupannu, siagang teako angnganrei roti nikanrea ri wattu kamateang.”

MIKHA 1:11

Ikau ngaseng pandudu'na Safir, a'lampamako mange ri tampa' pammelakkanga tammakea pakeang siagang tena siri'-siri'nu! Tu Zaanan tena nabarani assulu' battu ri kotana ke'nanga. Sa'ra ammarranna taua ri Bet-Haezel a'jari tanra mae ri kau angkanaya anjoreng tenamo pa'la'langngang.

YESAYA 13:1

Iaminne pappasanNa Allata'ala, natarimaya Yesaya ana'na Amos ri passala'na Babel:

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”

LAMPA-LAMPANA 19:16

Nampa a'lumpa'mi anjo tau nasosoka setang siagang sanna'mi larrona ambakkai ke'nanga nanakokko'. Sa'genna lari ngasemmi ke'nanga ambokoi anjo ballaka. A'bokka'-bokka'mi kalenna, siagang assolara'mi, lanri nikekke'-kekkekangi care-carena battu ri kalenna ke'nanga.

YOHANES 21:7

Nakanamo anjo ana' guru Nakamaseanga Isa ri Petrus, “Batara anjo!” Nalangngere'na Simon Petrus angkanaya Batara anjo, napakemi bajunna (nasaba' tena na'baju anjo wattua) nampa a'lumpa' naung ri je'neka.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

2 KARAENG-KARAENG 1:8

Appialimi ke'nanga angkana, “Jubana siagang passikko' aya'na battu ri kukkulu' nipare'.” Angkanami karaenga angkana, “O, anjo Elia!”

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”

YOSUA 5:15

Appialimi anjo panglima tantaraNa Batara angkana, “Sungkei sapatunu; antu butta nupammentengia iamintu butta matangkasa'.” Jari nasungkemi sapatuna Yosua.

KALAPPASSANG 3:5

Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

LAMPA-LAMPANA 21:11

Battui mae ri kambe nampa naalle passikko' aya'na Paulus. Napakemi anjo passikko' ayaka ansikkoki lima kalenna siagang bangkeng kalenna nampa nakana, “Iaminne Napaua RohNa Allata'ala: Anne patanna passikko' ayaka lanisikko' kammaminne ri tu Yahudia ri Yerusalem, nampa nipassareang mae ri bansa maraenga.”

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

YESAYA 1:1

Bone nakimbolonga anne kittaka iamintu siapa are pappasang ri passala'na Yehuda siagang Yerusalem; anne pappasanga Napabattui Allata'ala mae ri Na'bi Yesaya, ana'na Amos, ri wattunna Uzia, Yotam, Ahas, siagang Hizkia, ammarenta ri Yehuda.

YESAYA 37:2

Nampa nasuro Elyakim, kapala balla' lompoa, Sebna juru tulisi'na pa'rasanganga kammayatompa sikamma imang-imang niaka pangka'na untu' a'lampa angngagangi sicini' Na'bi Yesaya, ana'na Amos. Ke'nanga ammake kaeng karung ngaseng tongi.

YEREMIA 48:37

Le'ba' ngasemmi nacukkuru' uu'na siagang janggo'na ke'nanga, nabokkaki paling-palinna, siagang ammake kaeng karung, pammatei ri kasusaanna ke'nanga.

YEHEZKIEL 4:1

Nakana Allata'ala, “He tau, angngalleko se're batu bata, padongkoki ri dallekannu siagang gambaraki rate gambara'na kota Yerusalem.