YESAYA 2:5 - KITTA' MATANGKASA'

⁵ He, turunganna Yakub, umba ki'jappa lalang singara'Na Batara!

YESAYA 2:5 Referans Kwoze

EFESUS 5:8

Ikau riolo niakko lalang ri sassanga. Kamma-kamma anne a'jari mako umma'Na Batara; jari nia' mako lalang ri singaraka. Lanri kammana, musti attallasakko lalang singaraka.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

1 YOHANES 1:5

Iaminne biritta le'baka nalangngere' ikambe battu ri Ana'Na siagang eroka napabattu ikambe mae ri kau ngaseng: Iaminjo Allata'ala singaraka, siagang tena sikali apa-apa sassang ri Ia.

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

PAMMUJI 89:15

Dasara'na kakaraenganTa iamintu kaadelang siagang hukkung, pangngamaseanTa siagang tamamminraTa a'nyatai lalang sikontu tindakanTa.

PAMMUJI 36:10

IKatte kabattuanna katallassanna sikontu apa attallasaka, lalang singaratTa accini' ikambe singara'.

PAMMUJI 89:16

Mate'nei bansa rannua anggaukangi ibadana, attalasaka lalang ri cayana kahaderanTa, o, Batara.