YESAYA 2:22 - KITTA' MATANGKASA'

²² Jari, teako manrannuangngi mae ri rupatau lamatea, nasaba' anjo ke'nanga tena anggaranna.

YESAYA 2:22 Referans Kwoze

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

PAMMUJI 146:3

Teako manrannuangngi mae ri tukoasaya, ri rupatau takkullea appasalama'.

YAKOBUS 4:14

Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.

PAMMUJI 8:4

Punna kuciniki langi' le'baka Kipa'jari, bulanga siagang bintoeng le'baka Kitannang,

YESAYA 40:15

Rapanji siatti' je'ne' lalang se'ro' bansa-bansaya mae ri Batara, rapang silisere' limbu'bu' ri timbangang; pulo-puloa sangkammaji ringanna au alusuka.

PAMMUJI 62:9

He, bansaku, manrannuangko ri Allata'ala lalang sikontu wattunnu; pabattui ri Ia bonena atinnu, saba' Iami tampa' pa'la'langanta.

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

AYUB 27:3

assumpa' kukana: Lalang Nasareku ija nappasa' Allata'ala, lalang nia'na ija nyawa lalang ri kalengku,

YESAYA 40:17

Sikontu bansaya tena anggaranna mae ri Ia, rapang tena apa-apa ri dallekanNa.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

MALEAKHI 3:15

Mata kalenta anciniki antekamma mate'nena tau tampoa. Tena napila' salewangang bawang tau ja'dalaka, mingka punna naso'ri kasa'baranNa Allata'ala lalang kaja'dallanna ke'nanga, tena tonja namangngapa-apa.’ ”