YESAYA 2:12 - KITTA' MATANGKASA'

¹² Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YESAYA 2:12 Referans Kwoze

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

YESAYA 23:9

Batara Kaminang Makoasaya, Iami angngalle kaputusang kamma anjo. Ia antappuki untu' ampa'le'baki kaborroanna pandudu'na mae ri sikamma wassele' le'baka nagappa ke'nanga, siagang napakatuna sikamma tau kaminang malompoa ri lino.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

PANGNGEBARANG 16:5

Sikontu tau borroa nikabirisi ri Batara; tena Nakellai ke'nanga ta'lappasa' battu ri hukkunganga.

YAKOBUS 4:6

Mingka manna nakamma, la'bi terassangangi pangngamaseang Napassareanga Allata'ala mae ri katte na anjo cinnana roh niaka ri katte. Iaminjo saba'na na nia' todong tattulisi' lalang ri kittaka angkanaya, “Nimusui ri Allata'ala tau tampoa, mingka Nakamaseangi tau tunaya atinna.”

1 TESALONIKA 5:2

Nasaba' baji'mi nuassenna ngaseng angkanaya anjo Allo kabattuanNa Batara lasanrapangi palukka' battua ri wattunna bangngi.

1 KORINTUS 5:5

Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.

MATIUS 23:12

Inai-nai ampakalompoi kalenna iami lanipakatuna; na inai-nai ampakatunai kalenna, iami lanipakalompo.”

MALEAKHI 4:5

Mingka ri tenanapa nabattu anjo allo hebaka siagang appakamalla' le'baka Kupattantu, laKusuroi battu Na'bi Elia.

AMOS 5:18

Tojeng, cilaka ngaseng mako tau nakkuka ri AllonNa Batara! Apa matu-matunna anjo alloa mae ri kau? Anjo alloa poro allo sassanji bawang, teai allo singara' mae ri kau.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

YEHEZKIEL 13:5

Tena ke'nanga najagai tembo'-tembo' runtunga, siagang tena todong napakabajiki anjo tembo'-temboka. Jari, takkulleai nipartahangkang Israel punna kajariang bunduka ri allo battuKu anghukkungi.

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

YESAYA 24:21

Anjo wattua laNahukkungi Batara sikamma tukoasaya ri sikontu linoa siagang sikamma karaenga ri buttaya.

YESAYA 24:4

La'jari kalotoroki siagang kalumengi buttaya, sikontu linoa lata'ronangi. Langika siagang buttaya para lata'ronangi.

YESAYA 13:9

Labattui allonNa Batara, siagang anjo alloa laNapa'betteseki kalarroang lompoNa. La'jari parang kalotoroki buttaya, siagang tunggala' tau dorakaya lapanraki.

YESAYA 13:6

Appiraung mako, lanri a'reppese'mi allonNa Batara, iamintu allo kapanrakang Napabattua Batara Kaminang Koasaya.

2 SAMUEL 22:28

Kipasalamaki tau tuna pa'maika; mingka tau tampoa Kipadundui.

AYUB 24:1

“Angngapa nataNapattantua Allata'ala allo pangadelanga, sollanna anggappa kaadelang tau angngassengai?

PAMMUJI 131:1

Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

YESAYA 42:15

LaKupa'jari kalotoroki monconga siagang buluka, Kupa'jari kalumeng sikontu timbo-timboanna. Kupinrai ka'bung binangaya a'jari parang lompo, sikontu kollang lompoa Kupa'jari kalotoroki.

YESAYA 61:2

Nasuroa' angkabarrangi angkanaya narapi'mi wattunna Batara appasalama'; untu' ansaleori sikontu tau susaya, siagang Nabalasa' sikamma musu-musunna ke'nanga;

YEREMIA 30:7

Battumi allo sannaka heba'na, allo tenaya sangkammanna. Untu' ummakKu, anjo alloa appakalussaki; mingka laKupasalamaki ke'nanga.”

MIKHA 2:3

Lanri kammana anjo Nakana Batara, “Kurancanakangi bala lompoa mae ri kau ngaseng, sa'gennu takkullea ta'lappasa'. Ri anjo wattu sialaka tenamo nula'jappa tampo.

MIKHA 5:11

Jima'-jima'nu laKupa'lanynyaki siagang sikontu pacini'nu laKupabella kabusuki.

ZEFANYA 1:16

Tuntunna anjo alloa assa'rai tarompeka siagang pakkio' bunduka battu ri pejuang-pejuang ambundukiai kota-kota niaka pattahanganna siagang menara-menara tinggina.

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

PAMMUJI 18:28

Kipasalamaki tau tuna pa'maika, mingka Kipadundui tau tampoa.

PAMMUJI 37:13

Mingka nikakkali ri Batara tu ja'dalaka, saba' Naassengi angkana a'reppese'mi kale'bakkanna.

PAMMUJI 94:2

Ammenteng maKi', o, Hakinna sikontu linoa, Kiadelimi tau tampoa situru' panggaukanna ke'nanga.

YESAYA 5:15

Tunggala' taua lanipakasiriki, siagang tau borroa lanipakatunai.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 10:33

Batara Kaminang Makoasaya laNaruntungi anjo ke'nanga, rapang tangke kayu nite'baka battu ri poko'na. Kaminang porea siagang kaminang tinggia ri ke'nanga lanipolongi siagang laniruntungi.

YESAYA 13:11

Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.

YESAYA 14:15

Kale'bakkanna nipaloposokko antama' ri bageang kaminang lantanga ri lino tau matea.

YESAYA 40:23

Napa'jari tena kullena tau makoasaya, na tumalompoa tappela'mi kakoasanna.

YEREMIA 12:9

Rapangi ke'nanga jangang-jangang nibuccuka ri balangkoa' battu ri kere-keremae. Kioki sikontu olo'-olo' niaka ri romanga untu' amminawang ampaccappuki ke'nanga.

YEREMIA 13:9

“Kammaminjo caraKu angngalle tindakang mae ri tu Yehuda siagang pandudu'na Yerusalem. LaKuancuruki anjo kabarroang ta'liwa'na ke'nanga.

YEREMIA 50:31

Babel, ikau tinggi langga duduko! Lanri kammana anjo, iNakke, Batara Kaminang Tinggia, Allata'ala Kaminang Koasaya, angngewako. Narapi'mi wattunnu Kuhukkung.