YESAYA 19:8 - KITTA' MATANGKASA'

⁸ Sikamma paboya jukuka, ia biasaya anjakkala' juku' ri anjo binangaya lakkunrarengi siagang lappiraungi lanri tenamo matu-matunna pekanna siagang jalana ke'nanga. Sikamma patannunga tappu' minasami;

YESAYA 19:8 Referans Kwoze

HABAKUK 1:15

Bansa Babel najakkalaki taua siagang pekang, rapang angkana anjo ke'nanga juku'. Anjo taua nare'resangi lalang jala siagang sannang-sannammi anjo tu Babel lanri anjo wassele' nagappaya ke'nanga.

YEHEZKIEL 47:10

Battu ri timbuseng-timbuseng je'ne' ri En-Gedi sa'genna timbuseng-timbuseng je'ne' En-Eglaim, biring-birinna lasuaraki napakamma paboya juku' angngalloi jalana anjoreng. Sangka' rupa juku' lania' lalang ri anjo je'neka, sangkamma niaka ri Tamparang Tangngaya.

PAMMILANGNGANG 11:5

Niu'rangi juku' nikanre bawang-bawanga ri Mesir, kammayatompa bonteka, boyo', perei, lasuna eja siagang lasuna kebo'.

KALAPPASSANG 7:21

Mate ngasemmi sikamma juku' niaka lalang ri anjo binangaya. Sanna' botto'na rasanna, sa'genna takkulleamo tu Mesir angnginungi anjo je'neka. Nia'mo cera' ri sikontu butta Mesir.

MATIUS 11:17

Nia' angkana, ‘Kelong a'rannu-rannu nikelongang, mingka taerokako akkarena! Kelong tu kamateang nikelongang, mingka taerokako angngarru'!’

HABAKUK 1:17

Masakang tulusu' lanabi'buki ke'nanga pa'danna siagang nabuno bansa-bansaya, tena pangngamaseanna?