YESAYA 19:6 - KITTA' MATANGKASA'

⁶ Sikamma tarrusang je'neka la'rasa bottoki ri wattunna pila' cappu' je'nena. Borong nipaya siagang rukuka la'jari kalumengi.

YESAYA 19:6 Referans Kwoze

YESAYA 37:25

Nupattampoang tongi angkanaya angngekeko bungung siagang angnginung je'ne' ri sikamma pa'rasangang maraeng, kammayatompa sikamma tantaranu naonjo'-onjokangi Binanga Nil sa'genna kalotoro'.

AYUB 8:11

‘Ri tampa' niaka bawang je'ne'na attimbo nipaya; ri butta appeokaji nia' pandang.

2 KARAENG-KARAENG 19:24

Nupattampo-tampoang tongi angkanaya angngekeko bungung nanuinung je'ne'na ri pa'rasangang-pa'rasangang maraenga, kammayatompa angkanaya naonjo'-onjokangi tantaranu anjo Binanga Nil sa'genna a'jari kalotoro'.

KALAPPASSANG 7:18

Lamate ngasengi jukuka, siagang anne binangaya la'rasa bottoki, sa'genna takkullea bansa Mesir angnginungi je'ne'na.”

KALAPPASSANG 2:3

Mingka takkulleai sallo dudu nacokko anjo anaka. Jari angngallemi amma'na se're karanjeng nampa nalapisi' siagang tere' sollanna tantamaya je'neka. Le'baki anjo napantama'mi anjo ana' loloa ri anjo karanjenga, nampa naerang mange ri Binanga Nil, nampa naboli' ri tangnga-tangngana ruku' tinggia ri birinna anjo binangaya.

YESAYA 18:2

Nia'mo siapa are suro battu ri anjo pa'rasanganga a'limbang ri Binanga Nil, lalang ri biseang-biseang pandanga. He, sikamma suro laccirika ngaseng, ammotere' mako linta' mange ri pa'rasangannu napanumaloia sikamma anjo binangaya. Angngerang mako se're pasang mae ri anjo bansanu makassaka siagang barania, sikamma taunnu tinggi-tinggia ngaseng siagang alusuka bukkulenna, kammayatompa nikamallakkanga ri sikontu linoa.

YESAYA 15:6

Je'ne' binangana Nimrim siagang ruku' attimboa ri birinna kalotoro' taba sikalimi, tenamo timbo-timboang moncongbulo.

PA'JARIANG 41:2

Ti'ring nia'mo nacini' tuju kayu sapi sannaka ngaseng co'mo'na siagang accillaka kalenna, assulu' battu ri anjo binangaya, nampa angnganre ruku' ri birinna anjo binangaya.

NAHUM 3:8

He Niniwe, maka bajikangngangko na Tebe, ibukotana Mesir? Pammantanganna Tebe anjoreng tonji ri biring binanga a'jaria salaku tembo' pannahanna. Binanga Nil, iaminjo benteng pattahanganna.

AYUB 8:12

Punna kalotoro' je'ne'na, ta'ronangi anjo nipaya, lintakkangngangi timbona timbo-timboang maraenganga. Na sitojenna coppongiji siagang teaipi wattunna nialle siagang nipake.