YESAYA 19:22 - KITTA' MATANGKASA'

²² LaNipangngajarimi anjo tu Mesir ri Batara, mingka le'baki anjo Napa'jari baji'mi ke'nanga ammotere'. La'gilimmi ammotere' ke'nanga mae ri Batara, siagang laNapilangngerimi Batara pappala' doanna ke'nanga kammayatompa Napa'jari baji'mi ke'nanga ammotere'.

YESAYA 19:22 Referans Kwoze

IBRANI 12:11

Memang, ri wattunta Naajara', tena nasannang pa'maitta ri anjo hukkunganga, passangalinna poro a'jari la'baji pa'maitta. Mingka ri le'ba'na anjo, ikatte tau le'bakamo niajara', passabakkang iaminjo hukkunganga na kimannurukimo ri ero'Na Allata'ala lalang katallassanta; sa'genna a'jari salewangammo nisa'ring kalenta.

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

HOSEA 6:2

Lalang anne rua yareka tallungalloa laNapa'jari bajikki' ammotere', nakilattallasa'mo ammotere' irawa ri la'lanNa.

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YESAYA 45:14

Nakana Batara mae ri tu Israel, “Patangi wassele' buttana Mesir siagang passawallanna Sudan. Sikamma tu Syeba barania a'jari ikau pata; a'jappai ke'nanga ri bokonu nisikkokang limanna. Lasu'juki siagang lamangakui ke'nanga angkana, ‘Ma'nassa nia' tojengi Allata'ala ri tangnga-tangnganu; tena allata'ala pantaranganna Ia!

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

AYUB 5:18

Saba' Allata'ala amma'risi, Ia todong ammallei. LimanNa annunrung, limanNa todong appakabaji' ammotere'.

AYUB 22:23

Pakatunami pa'mai'nu, ammotere' mako mae ri Batara, pammarimi kaja'dallanga ri balla'nu.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

YESAYA 30:26

Bulanga laccayai sangkamma mataallo, siagang mataalloa la'lappi tujui singara'na ri singara' biasaya, sanrapang singara' tuju alloa nipasse're a'jari se're. Yangasenna anjo lakajarianga ri wattu Naroko'na Batara sikamma loko'na umma'Na, ia le'baka Napangngajari.

YESAYA 57:18

Kucini'mi panggaukanna ke'nanga, mingka laKupakabaji' tonji ke'nanga. LaKururungangi siagang laKutulungi ke'nanga siagang Kusaleori tau si'naya pa'mai'na.

YEHEZKIEL 29:13

Nakana Batara Kaminang Tinggia, “He bansa Mesir, punna le'baki anjo patampulo taunga sallona, laKuerangko ammotere' battu ri sikamma pa'rasangang tampa'nu tassiara'.

KALAPPASSANG 8:4

Anjo tumpanga la'lumpaki siagang lanaambikko, siagang sikontu pagawea kammayatompa ra'yaka.”

2 KARAENG-KARAENG 20:5

ammotere' mange ri Hizkia, karaenna Umma'Na Batara, siagang napabattui pasang kammaya anne, “INakke, Batara, Allata'ala nisombaya ri boenu Daud, Kulangngere'mi pappala' doannu siagang Kucini'mi je'ne' matannu. LaKupammolleko battu ri garrinnu; ammembara' la'lampako mange ri BallakKu.