YESAYA 19:19 - KITTA' MATANGKASA'

¹⁹ Anjo wattua ri pappokokanna pa'rasangang Mesir lania' se're tampa' pakkoro'bangngang mae ri Batara, siagang ri pa'baeng-baenna nia' se're benteng batu nisa'la' akkale-kalea untu' Batara.

YESAYA 19:19 Referans Kwoze

PA'JARIANG 28:18

Ammukona bari'basa', ammentemmi Yakub, nampa naalle anjo batu napareka pa'lungang. Napaentemmi anjo batua a'jari batu pangngu'rangi. Natirikimi minynya' zaitun mabau' irateanna anjo batua untu' KalenNa Allata'ala.

YOSUA 22:10

Ri wattunna battu suku Ruben, suku Gad siagang suku Manasye bageang irayaya mange ri Gelilot – bageang lau'na iji Binanga Yordan – ambangummi ke'nanga se're tampa' pakkoro'bangngang lompo siagang gammara' ri ampi'na binangaya.

YOSUA 22:26

Jari, nanabangung ikambe anne tampa' pakkoro'bangnganga, teai untu' koro'bang nitunu yareka untu' passarena ikambe,

KALAPPASSANG 24:4

Le'baki anjo natulisi'mi Musa anjo sikontu parentaNa Batara. Ammukona ri bari'basaka, ambangummi se're tampa' pakkoro'bangngang siagang sampulo anrua batu napaenteng, ri bangkenna anjo monconga; tunggala' anjo batu nipaentenga nawakkeli kalase'renna sikamma suku Israel.

ZAKHARIA 6:15

Labattui tau battua ri tampa' bellaya siagang nabantui ke'nanga ambangungi BallakKu. Punna le'ba' anjo pambangunanga, lanaassemmi ke'nanga angkana iNakke Batara Kaminang Koasaya le'ba' assuroko battu mae ri ke'nanga. Sikontu anjo kammaya lakajariang ngasengi punna naturuki tojeng-tojeng ke'nanga sikamma parentaKu, Karaeng Allata'alana ke'nanga.”

YESAYA 66:23

Tunggala' Bulang Beru siagang allo Pammari-marianga labattui sikontu umma' rupataua untu' anynyomba ri Nakke ri Yerusalem.

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

PAMMUJI 68:31

Kiga'gara' laloi tu Mesir, anjo olo'-olo' sekkeka ri tangngana ruku' tinggia. Kikalarroi bansa-bansaya, pa'rappungang tedong romanga siagang ana'-ana'na, massing sionjo'-onjokanga untu' anggappa pera'. Napasimbungi Allata'ala bansa-bansa nangaia a'bundu'.

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

YESAYA 60:7

Bembe siagang gimbala' battua ri Kedar nierangi mae ri kau sadiai gimbala' laki battua ri Nebayot untu' ibadanu. Anjo koro'banga napakasannangi atinNa Batara napaccayai Balla'Na rassia kala'birang.

YOSUA 22:27

mingka untu' a'jari pammatei mae ri katte ngaseng, siagang mae ri jari-jarita ri allo ri boko, angkana kammatojengi ikambe anne nigaukangi ibadaya mae ri Batara ri Kema KahaderanNa, koro'bang nitunu, passare-passare siagang koro'bang passari'battangngang. Lanri kammana anjo, tenamo nalanakana jari-jarinu angkanaya anjo jari-jarina ikambe tena passisambunganna siagang Batara.

YOSUA 22:28

Jari, pattujunna ikambe iamintu; ebara' angkana akkana kammatojengi jari-jarinu sallang, akkullemi angkana jari-jarina ikambe, ‘Ciniki anjo tampa' pakkoro'bangnganga! Boe-boena ikambe ambangungi se're tampa' pakkoro'bangngang sangkammaya rupanna siagang tampa' pakkoro'bangnganNa Batara, teai untu' koro'bang nitunu yareka untu' passare, mingka untu' a'jari pammatei mae ri katte ngaseng.’

YOSUA 22:34

Kala'busanna nakanamo suku Ruben siagang suku Gad, “Anne tampa' pakkoro'bangnganga a'jari sa'bi mae ri katte ngaseng angkanaya Batarami Allata'ala.” Jari naaremmi ke'nanga anjo tampa' pakkoro'bangnganga “Sa'bi”.

YEREMIA 46:2

appakkaramula siagang Mesir. Napauanga' ri passala'na tantarana Nekho karaeng Mesir, nibetaya ri Karkemis ri ampi'na Binanga Efrat ri Nebukadnezar karaeng Babel lalang taung makaappa' pamarentahanna Yoyakim, karaeng Yehuda. Iaminne Napaua Batara ri sesena anjo passalaka,

YEHEZKIEL 29:1

Ri tanggala' sampulonrua bulang sampulo, lalang taung makasampulo ri wattu nipela'na ikambe, Nakana Batara ri nakke,

YEHEZKIEL 30:1

A'bicarami pole Batara Nakana,

YEHEZKIEL 31:1

Ri tanggala' se're bulang tallu, lalang taung makasampulo asse're ri wattu nipela'na ikambe, Nakana Batara ri nakke,

YEHEZKIEL 32:1

Ri tanggala' se're bulang sampulo anrua, lalang taung makasampulo anrua ri wattu nipela'na ikambe, Nakana Batara ri nakke,