YESAYA 19:16 - KITTA' MATANGKASA'

¹⁶ Nia' sallang se're wattu nala'jari pa'malla'-mallakkang siagang ballorang tu Mesir sangkamma tubaine. Annekkereki napakamma malla' punna nacini' Batara Kaminang Makoasaya ampaentengi limanNa untu' anghukkungi ke'nanga.

YESAYA 19:16 Referans Kwoze

NAHUM 3:13

Sikamma tantaranu lammai sangkamma baine, siagang pa'rasangannu tena sikali pakkullena andallekangi musua. Pepeka lanapammutungi sikamma balo' panjolina pakke'bu' lomponu.

YEREMIA 51:30

Ammarimi tantara Babel a'bundu', siagang ammantammi ri sikamma pattahangnganga. Tenami kabaranianna ke'nanga siagang tenamo pakkullena. Sikamma pakke'bu' lompona kotaya le'ba' ngasemmi nirumbang, siagang sikamma ballaka le'ba'mi nitunu.

YEREMIA 50:37

Ancuruki jaranna siagang kareta bundu'na! Ancuruki sikamma tantara nisewana! Tamaka lammana ke'nanga! Ancuruki kakalumanynyangnganna Babel! Alleangi barang-baranna!

YESAYA 11:15

LaNakalotori Batara tamparang Tarrusu'na Suez. Lappareki anging bambang, ammirika sa'genna Binanga Efrat a'jarimi tuju kaloro' ca'di sike'deka je'ne'na, sikontu taua allimbangi natanapasuluka sandala'na.

ZAKHARIA 2:9

“KalenNa Batara la'jari balinnu ngaseng! Siagang laniella' ngasengko ri sikamma le'ba' ata kalennu tonji. Punna kajariang anjo passalaka, lanuassemmi angkanaya Batara Kaminang Koasaya assuroa'.”

YESAYA 10:32

Anne alloa nia'mi musua ri kota Nob, siagang anjoremmi ke'nanga ampanaiki panja'guru'na mae ri Bulu' Sion, mae ri kota Yerusalem.

IBRANI 10:31

Teai sipato' appakamalla'na punna tu'guru' taua antama' ri limanNa Allata'ala Mattallasaka!

YESAYA 30:17

Sisa'bu tau lalari nasitauja musu ambakkai, siagang limaji tau ambakkaiko nulari ngasemmo. Battu ri sikontu pasukannu se're mami benteng bandera ammenteng rate ri coppo' bulu'.

PAMMUJI 48:6

Mingka nacini'na anjo buluka, lannasa'mi ke'nanga; gegere'mi ke'nanga nampa lari a'lingu-lingu.

1 KORINTUS 2:3

Sanna' lammana kalengku siagang annekkerekka' napakamma malla' ri wattungku nia' ri tangnga-tangnganu ngaseng.

2 KORINTUS 5:11

Naassemmi ikambe angkana apa battuanna nikanaya malla' mae ri Batara; iaminjo saba'na nausahamo ikambe ampakatappaki taua ri sesena kalenna ikambe. Baji' niassenna ikambe ri Allata'ala, naminasai sollanna nanuasseng todong ikambe lalang ri atinnu ngaseng.

YESAYA 13:2

Pakapeki sikamma bandera pa'bundukannu ri coppo'na bulu' a'gondoloka! Akkiokko mae ri sikamma tantaraya, panaiki limannu sollanna maju ke'nanga anrumbangi pakke'bu' lompoa kota tampoa anjo.

KALAPPASSANG 11:6

Ri sikontu Mesir lania' kalangngerang sa'ra piraung lompo, tenaya nale'ba' kajariang baji' riolo kammayatompa ribokoanganna.

OBAJA 1:9

Sikamma tubarani battua ri Téman lanabattui malla', siagang sikontu tantarana Edom lamate kabusuki.”

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.

ZAKHARIA 10:11

Punna a'limbang ke'nanga ri tamparang kasukkarang, iNakke, Batara antunrungi sikamma bombanga; na'jari kalotoro' taba sikali dapara' rawana Binanga Nil. Bansa Asyur tampoa lanipakatunai, siagang Mesir porea latappelaki kakoasanna.