YESAYA 18:6 - KITTA' MATANGKASA'

⁶ Lanibokoi sikamma maya'na tantarana, a'jari kanrena jangang-janganga ri wattu timoro', siagang kanrena olo'-olo' sekkeka ri wattu dinginga.”

YESAYA 18:6 Referans Kwoze

YEREMIA 7:33

Sikamma maya'na ke'nanga la'jari kanre-kanreangi mae ri jangang-janganga siagang olo'-olo' sekkeka, nampa tena tau ambongkai.

YEREMIA 15:3

Inakke, Batara, le'ba'mi Kupattantu angkanaya nia' appa' rupanna hukkungang hebaka lakajariang mae ri ke'nanga: lamatei ke'nanga lalang pa'bundukang, maya'na ke'nanga lanire'resangi ri kongkong, nikanrei ri jangang-jangang, siagang nipaccappuki ri olo'-olo' sekke'.

YESAYA 56:9

Nasuroi Batara bansa-bansa maraenga battu rapang olo'-olo' sekke' untu' ambakkai nakokko' umma'Na.

YESAYA 14:19

mingka ikau tena jera'nu; maya'nu nipelaki sangkamma cu'la' nipelaka, nitambungi ri sikamma maya'na pejuang matea lalang bundu', siagang nipasambilaya siagang ke'nanga antama' ri kali'bong batua, rapang maya' nionjo'-onjokanga.

YESAYA 23:13

Teai bansa Asyur, passangalinna bansa Babel allappassangi olo'-olo' sekkeka angkoasai Tirus. Iatommi ke'nanga ampaentengi sikamma menara untu' nipake antammulili balia, anruntungi sikamma benteng pattahanganna siagang ampa'jari rumbangangi anjo kotaya.)

YESAYA 46:11

AkkioKa' sitau tukoasa battu raya, battu rapang sikayu jangang-jangang sekke' untu' anggaukangi kaputusangKu. Apa Kupaua mattantu laKugaukangi, apa Kurancanakanga mattantu laKurupai.

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEHEZKIEL 31:13

Jangang-janganga labattui na'dangka' ri anjo poko' anra'bayamo, siagang olo'-olo' liaraka lanaonjo'-onjokangi tangke-tangkenna.