YESAYA 17:14 - KITTA' MATANGKASA'

¹⁴ Ri wattu karuenna appakamalla' lompoi ke'nanga, mingka ri bari'basa'na tenami ke'nanga. Iaminjo rapanna sarenna sikamma tau arrampasakai apa-apanta.

YESAYA 17:14 Referans Kwoze

2 KARAENG-KARAENG 19:35

Ia memang anjo bangngia nabattumo Malaeka'Na Batara ri pakkemaanna tu Asyur siagang nabuno tantarana nia' 185.000 jaina. Ammukona bari'basa' tassimbungi mange-mange maya'na ke'nanga.

PANGNGEBARANG 22:23

Saba', laNialleangangi ri Batara ri parkarana ke'nanga, siagang laNaallei nyawana tau anjallakkangai ke'nanga.

YEHEZKIEL 39:10

Jari taparalluami ke'nanga appasse're kayu tunuang ri kokoa yareka anna'bang poko' kayu ri romanga, nasaba' sikontu anjo sanjata nibokoia sukku' jaina untu' nipare' kayu tunuang. Lanaellaki siagang lanarampasaki barang-baranna sikamma tau le'baka angngellaki siagang anrampasaki barang-baranna ke'nanga. INakke, Batara Kaminang Tinggia, anne akkana.”

YEREMIA 13:25

Iaminjo sarennu le'baka Kupattantu, lanri nukaluppaingKu, siagang lanri tappa'nu mae ri rewata-rewata takontutojenga.

YEREMIA 2:3

Israel, iNakke KalengKu ampatangko, Kusayanga lalang ri pa'maikKu. Kupitujui bala sikontu tau ansessayako, iNakke, Batara, anne akkana.”

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

PAMMUJI 37:36

Wattu allaloku pole, tenami kucini', kuboyai, mingka tenami kugappa.

AYUB 20:29

Iaminjo sarenna tau kodi sipaka, sare Napattantua Allata'ala mae ri ia.”

2 KARAENG-KARAENG 19:3

Iaminne pasanna Hizkia napabattua ke'nanga mae ri Yesaya, “Anne alloa natujua' susa; nihukkungki' siagang nitunaiki'. Rapangki' baine eroka ammana' mingka tenamo kagassinganta.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.

YESAYA 10:25

Sinampe'ji nammari larroKu mae ri kau, nampa Kuancuru' anjo ke'nanga.

YESAYA 29:5

Mingka sikontu bansa maraeng pallaka anjo, lalalanynya' ngasengi rapang limbu'bu' yareka awang niri'bakang ri anging. Ti'ring battui siagang tanisanna-sannayai kabattuanna.

YESAYA 29:7

Nampa sikontu pasukang bansa maraeng battua ambunduki Yerusalem, kota tampa' pakkoro'bangnganga mae ri Allata'ala, yangasenna tau niaka antammulili siagang ambunduki anjo kotaya, lalanynya' ngasengi rapang so'na ri wattu bangngina.

YESAYA 33:18

Kamallakkannu riolo mae ri pasussung simaya, pamarentaya siagang pajannang bansa maraenga, la'jari apa niu'rangi mami.

YESAYA 34:17

Batara ambagei anjo pa'rasanganga mae ke'nanga na massing natarima bageanna. Lammantangi ke'nanga anjoreng satunggu-tungguna, siagang anjo buttaya la'jari napatangi ke'nanga tulusu' mae ri turunganna ke'nanga.

YESAYA 41:12

Lanuboyai tau eroka ambaliangko, mingka tanugappayai ke'nanga. Tau a'bunduka siagang ikau kamma-kamma anne panra'mi siagang tenami.

YEREMIA 49:10

Mingka, iNakke Kubarrasaki sa'genna tangkasa' sikontu apa-apanna jari-jarina Esau siagang Kusungkei rahasia tampa' paccokoanna ke'nanga; takkulleami ke'nanga nacokko kalenna. Tu Edom siagang sikamma sari'battanna kammayatompa siampi' balla'na ke'nanga, kabusu'na le'ba'mi niancuru', tena manna sitau ta'lappasa'.

YESAYA 21:12

Appialima' angkana, “Labattui bari'basaka, mingka bangngia pole. Punna erokko akkuta'nang, battu poleang mako akkuta'nang.”

YESAYA 29:2

Mingka laNapabattui Allata'ala balaya irate ri anjo kotaya, sa'genna ammarrang siagang akkunrareng taua. Kabusu'na kotaya lasangkammai tampa' pakkoro'bangngang attalaka cera'.

YESAYA 30:28

Nasuroi anginga a'jappa ri dallekanNa rapang a'ba sa'ge kallong angnganyukkangi sikamma apa-apaya. Naancuruki bansa-bansaya, siagang Napassala-salangi sikamma rancana ja'dala'na ke'nanga.

ZAKHARIA 2:12

Sikalipi pole Yehuda la'jari nipatang nisa'laka untu' Batara ri butta matangkasa'Na, siagang Yerusalem la'jari kota kaminang NikarimangnginNa.