YESAYA 16:2 - KITTA' MATANGKASA'

² Attayangi tu Moab ri birinna Binanga Arnon nampa lingu pitijappa-jappai, rapang jangang-jangang nibongka battu ri ru'munna.

YESAYA 16:2 Referans Kwoze

PANGNGEBARANG 27:8

Tau ambokoiyai balla'na, sanrapang jangang-jangang ambokoi ru'munna.

HAKING-HAKING 11:18

Nampa napannarrusu' jappana ke'nanga angngolo ri parang kassi'. Mingka tena nanioloi daera Edom siagang Moab, passangalinna angngalleki' agang akkuliling sa'genna battu ri rayanganna Moab, ri ba'leanna Binanga Arnon. Akkemami ke'nanga anjoreng, mingka tena nalimbangi anjo binangaya, lanri anjo daeraya antamaki ri daera Moab.

YEREMIA 48:20

Lappiali ke'nanga angkana, ‘Tu'guru'mi Moab, siagang a'jari tunami, jari karrukimi. Pa'la'bangi kabarrang ri sikontu birinna Binanga Arnon angkanaya ancuru'mi Moab.’ ”

YESAYA 13:14

Bansa maraeng ammantanga ri Babel lasisa'la'-sa'laki siagang massing lari mange ri pa'rasanganna. Rapangi ke'nanga jonga lari battu ri pammuranga, yareka rapang gimbala' tenayamo pakalawakinna.

YOSUA 13:16

Daerana ke'nanga iamintu Aroër (ri birinna Ka'bung Binanga Arnon) siagang kota niaka ri tangnga-tangngana anjo ka'bunga sa'genna mange ri anjo daera lappara' tinggia, ri tammulilina Medeba;

PAOLE 3:12

“Ri wattunna nikammaimo anjo buttaya, kupassareammi ri Ruben siagang mae ri Gad daera warakkanna kota Aroër ri ampi'na Binanga Arnon, siagang sipa'gang battu ri daera monconna Gilead kammayatompa kota-kotana.

PAOLE 3:8

Anjo wattua niallei battu ri anjo ruaya karaeng Amori iamintu daera niaka ri bageang timboranna Binanga Yordan siagang Binanga Arnon sa'genna mange ri Moncong Hermon. (

PAOLE 2:36

Lanri pannulunNa Karaeng Allata'alata, akkullei nialle ngaseng sikontu kotaya, appakkaramula battu ri Aroër, ri cappa' Ka'bung Arnon, siagang kota niaka ri tangngana anjo ka'bunga, sa'genna mange ri daera Gilead. Tena kota majarre' dudu tembo' pattahanganna nidallekang.

PAMMILANGNGANG 21:29

He bansa Moab, cilaka mako! Tu manynyombaya ri Kamos, panrakko! Nibalang parekangko ri rewatanu a'jari tau a'lampa annompang, tubai'-bainenu a'jari tunitahangi ri karaeng Amori.

2 KARAENG-KARAENG 3:4

Karaeng Mesa battu ri Moab ammarakai gimbala'. Tunggala' taungi assare 100.000 ana' gimbala' siagang 100.000 kukkulu' gimbala' laki.

PANGNGEBARANG 26:2

Sanrapang jangang-jangang anri'ba' siagang allayang ri alla', kamma tomminjo pattunraya takkulleai nataba tutenaya nasala.

YEREMIA 48:9

Attannangko batu nisang untu' Moab, lanri tasalloami anjo pa'rasanganga nanipanraki taba sikali. Kota-kotana laruntungi siagang tena manna sitau lammantang anjoreng.”

YEREMIA 48:46

Cilakami Moab! Pandudu'na anynyombaya ri Rewata Kamos le'ba'mi nipanraki, siagang ana'-ana'na ke'nanga niengka'mi salaku tau nitahang.