YESAYA 16:12 - KITTA' MATANGKASA'

¹² Sanna'mi ballasa'na tu Moab angngambi' nai' ri bulu' tampa' pakkoro'bangnganga untu' appala' doang, mingka tena apa-apa wassele' nagappa ke'nanga.

YESAYA 16:12 Referans Kwoze

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

YEREMIA 48:35

LaKupammari tu Moab attunu koro'bang ri tampa'-tampa' panynyombanna ke'nanga, siagang Kupammari ke'nanga assare koro'bang mae ri rewata-rewatana ke'nanga. INakke, Batara, anne akkana.

1 KARAENG-KARAENG 18:29

Kammaminjo situlusu'na nagaukang ke'nanga sa'genna karueng, sangkamma nicini' tunisoso' ri setang. Mingka tena appiali ri ke'nanga, tena amparhatikangi.

PAMMILANGNGANG 23:28

Jari naerammi Bileam mange ri coppo'na Moncong Peor assidallekanga siagang parang lompoa.

PAMMILANGNGANG 23:14

Jari nierammi Bileam ri Balak mange ri parang Zofim, ri coppo'na Moncong Pisga. Anjoreng appaenteng tommi tuju tampa' pakkoro'bangngang siagang assare tommi sikayu sapi laki siagang sikayu gimbala' laki irate ri anjo massing tampa' pakkoro'bangnganga.

PAMMILANGNGANG 22:39

A'lampami Bileam siagang Balak mange ri kota Huzot.

YEREMIA 48:46

Cilakami Moab! Pandudu'na anynyombaya ri Rewata Kamos le'ba'mi nipanraki, siagang ana'-ana'na ke'nanga niengka'mi salaku tau nitahang.

YEREMIA 48:13

Lala'bai pa'mai'na Moab mae ri Kamos, rewatana ke'nanga, sangkamma batena Israel la'ba pa'mai'na ri Betel ia napattoanga ke'nanga.

YEREMIA 48:7

Moab! Ikau nupattoangi kaporeannu siagang kakalumanynyangngannu. Mingka kamma-kamma anne ikau kalennu lanibetako. Kasmos, rewatanu, siagang sikamma imanga siagang pagawena laniengkaki mae nipela'.

YEREMIA 10:5

Anjo patung-patung barhalaya rapangi tau-tau ri koko bonteka. Takkulleai ke'nanga a'bicara, takkulleai a'dakka, siagang musti niangkaki. Teako mallakki mae ri ke'nanga, nasaba' takkulleai ke'nanga a'gau' ja'dala' mae ri kau; manna a'gau' bajika tanakullei ke'nanga.”

YESAYA 47:13

Mangngangko lanri jaina pappakainga'. Suromi sikamma pacinika maju untu' ampasalamakko; le'ba'mi naparessa ke'nanga sikontu panyingkulu'na langika na napilajari sikamma bintoenga, na ri tunggala' bulang berua natappui angkana apa kajarianna sarennu.

YESAYA 37:38

Ri se'reang allo, ri wattunna sitabang nagaukang ibadana lalang ri balla' rewata Nisrokh, nibunomi siagang pa'dang ri Adramelekh siagang Sarezer, rua ana' bura'ne kalenna. Le'baki anjo larimi ke'nanga mange ri Ararat. Jari nisambeammi a'jari karaeng ri ana' bura'nena maraenga, niarenga Esarhadon.

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

PANGNGEBARANG 1:28

Anjo wattua lakkio' ngasengko mae ri nakke, mingka talappialia'. Lanuboya' ri kere-keremae, mingka talanubuntula'.

2 KARAENG-KARAENG 19:12

Ri wattunna naancuru' boe-boeku iamintu kota Gozan, Haran, siagang Rezef, kammayatompa nabuno tu Eden niaka ammantang ri Telasar, tena manna se're battu ri rewata-rewatana ke'nanga akkulle ampasalamaki ke'nanga.

2 KARAENG-KARAENG 3:27

Lanri kammana anjo naallemi ana' bura'nena, nampa napassareang anjari koro'bang irate ri tembo'na kotaya mae ri rewatana Moab. Jari malla'mi tu Israel, sa'genna napamunduru' pasukanna ke'nanga battu ri anjo kotaya nampa ammotere' mange ri pa'rasanganna ke'nanga.

1 KARAENG-KARAENG 11:7

Irate ri moncong ri bageang rayanganna Yerusalem, appaentengi tampa' panynyombang untu' Kamos rewatana tu Moab, siagang Molokh, rewatana tu Amon – rua-ruai rewata appakaringi'-ringi'.

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

PAMMILANGNGANG 22:41

Ammukona bari'basa' nierammi Bileam ri Balak angngambi' ri Bulu' Bamot Baal. Battu anjoreng akkullei nacini' Bileam sipa'gang bansa Israelka.

PAMMILANGNGANG 21:28

Nia' se're wattu nabattu ri anne kotaya namaju pasukanna Sihon sanrapang pepe'. Angngancuruki kota Ar ri Moab, siagang angkoasai bulu'-bulu' niaka ri Arnon.

YESAYA 16:13

Iaminjo pappasang Napassareanga Batara riolo ri passala'na Moab.