YESAYA 16:10 - KITTA' MATANGKASA'

¹⁰ Tena manna sitau rannu ri sikamma anjo koko copponga. Tenamo manna sitau akkio' rannu yareka akkelong-kelong ri koko anggoroka. Tena tau ammacco' anggoro' untu' appare' je'ne' anggoro'. Kupammarimi kio' rannuna ke'nanga.

YESAYA 16:10 Referans Kwoze

YEREMIA 48:33

Sa'ra-sa'ra karannuanga lanynya'mi battu ri Moab, pa'rasangang copponga. Kupamari assolong je'ne' anggoroka battu ri pakkakasa' pammaccokanna; tenamo tau appare' anggoro' siagang a'rannu-rannu.

AMOS 5:17

Ri sikontu koko anggoroka, lappiraungi taua lanri battuA' anghukkungko. INakke Batara, anne akkana.”

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

HAKING-HAKING 9:27

A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.

ZEFANYA 1:13

Lanirampasaki barang-baranna ke'nanga siagang laniancuruki sikamma balla'na. Lambangungi ke'nanga balla', mingka takkulleai napammantangngi. Lappareki ke'nanga koko anggoro' mingka takkulleai nainung je'ne' anggoro'na.”

YESAYA 32:10

Kamma-kamma anne akkulleko amang pakkasia'nu, mingka sitaung labattua latappu' minasako, lanri tanjariai rappo anggoroka, kammayatompa wassele' lamung-lamung maraenga tena todong.

AYUB 24:11

Battu ri poko' zaitun appareki minynya' siagang battu ri rappo anggoro' appareki inungang, mingka ia kalenna turere.

YESAYA 24:11

Lakkio'-kioki taua ri agang-aganga lanri kala'busangi ri je'ne' anggoro'. Tenamo karannuang ri anjo pa'rasanganga sa'genna satunggu-tungguna.

YO"EL 1:12

Poko' rappo-rappoa ri paranga a'jari kalotoro' ngasemmi; poko' anggoro', appele', ara, koro'ma siagang delima. Na tarannuamo pa'mai'na ra'yaka.

AMOS 9:13

Nakana Batara, “Lanarapiki wattunna nasanna' linta'na timbona gandunga sa'genna tena tappu'na akkatto taua. Poko' anggoroka lasanna' copponna batena attimbo sa'genna tulusu' appare'na taua je'ne' anggoro'. Je'ne' anggoroka lammattiki battu ri sikamma buluka siagang assolongi battu ri sikamma bontoa.

YEHEZKIEL 7:7

Sikontu-kontuna kala'busannami mae ri kau, he bansa niaka ammantang anrinni ri buttaya. Kamma-kamma anne tenamo pa'gaukang passua'-suarrang ri tampa' pakkorobangngang ri moncong-monconga, mingka ia niaka poro karicuang mami.